LEXO PA REKLAMA!

SHKARKO APP

App Store
Google Play

E fundit!

x

Manastirliu: Brenda vitit përfundon rindërtimi i Pediatrisë

18 Mars 2023, 12:12, Politikë CNA

Manastirliu: Brenda vitit përfundon rindërtimi i Pediatrisë

Ministrja e Shëndetësisë dhe Mbrojtjes Sociale Ogerta Manastirliu ka inspektuar punimet e fazës së dytë për modernizimin e Pediatrisë në Qendrën Spitalore Universitare “Nënë Tereza”, e cila pritet të përfundojë brenda vitit.

"Një spital i cili po rindërtohet, me 120 shtretër kapacitet është vërtetë një volum i madh pune në një kohë që ne duam të mbërrijmë, brenda fundit të këtij viti, fillimi i vitit të ardhshëm të mundet që edhe ta mobilijmë dhe ta bëjmë funksional. Puna vijon me intensitet kemi ecur shumë mirë me garfikun e punimeve", u shpreh Ministrja Manastirliu.

Gjatë inspektimit në Pediatrinë e Tiranës, Ministrja Manastirliu foli edhe për hapjen e spitalit të ri të sëmundjeve të brendshme.

"Spitali i ri i sëmundjeve të brendshme, spitali qendror është një spital i cili tashmë është finalizuar dhe tani pritet që ditë pas dite të hapim këtë spital, të çelim dyert dhe ta bëjmë funksional dhe vërtetë është një tjetër investim, i cili jo vetëm do të ndryshojë plotësisht kushtet e shërbimit për një spital sikurse është spitali i sëmundjeve të brendshme, pra që është pikë reference për shumë sëmundje edhe për urgjencën polivalente, por mbi të gjitha është edhe një gur themeli përsa i përket shërbimeve universitare", tha Manastirliu./CNA

Lajmet e fundit nga