Braçes nuk i "del inati"/ Ngre tonet në Kuvend: Ky është krim
9 Qershor 2022, 13:37, PolitikëCNA
Ish-zv.kryeministri Erion Braçe
Ish-zv.kryeministrit, Erion Braçe, duket se nuk i del “inati” me Qeverinë, ndërsa vijon të tentojë të bëjë opozitarin.
Sot, nga foltorja e Kuvendit, Erion Braçe me tone të ashpra ka reaguar për veprimtarinë e AMF-së për sigurimet e qytetarëve për raste aksidentesh apo dhe për kriptomonedhat.
Braçe tha se kur kërcënohet stabiliteti financiar, institucionet duhet të bëhen një.
“Doja të flisja për disa çështje që lidhen me AMF-në, së pari për konkurrencën. Jemi dorëzuar para një tregu pa konkurrencë. Detyrimet e mbetura pezull, ku për to shkëlqen byroja. Këto detyrime mbeten në një nivel. Do të doja t’ju kujtoja se këto detyrime lidhen me njerëz që kanë pësuar dëmtime në aksidente. Sistemin bonus e kemi bërë njërën në komisione, që të bëjë efektiv, dhe pas miratimit të ligjit nuk është vënë në induksion. E di cila është arsyeja, kompanitë. Po u vu në zbatim prishen përqindjet dhe përfitojnë qytetarët në fund fare”, tha Braçe.
Sipas tij “Shqetësimi i dytë është aktiviteti i kriptomonedhave, por nuk ka asnjë monedhë apo sipërmarrje të cilësuar. Vetëm dy ditë pas komisionit, u vërtetua me zë dhe figurë që veprimtaria ushtrohej në mes të Tiranës. E verifikuar dhe çështja e pastrimit të parave përmes kriptomonedhave nga Londra në Tiranë. Kur kërcënohet stabiliteti financiar, institucionet duhet të bëhen një dhe të godasin veprimtarinë kriminale. Paratë e krimit të organizuar po pastrohen përmes kriptomonedhave. Ne duhet të përballemi jo duke rregulluar rregulloren, por përmes ligjeve. Aktiviteti i kriptomonedhave kryhet në 'call centre' në mes të Tiranës, dhe ky është krim”.
