LEXO PA REKLAMA!

SHKARKO APP

Gazment Bardhi akuzohet për falsifikim firmash/ Balla zbulon skandalin

9 Qershor 2022, 10:36, Politikë CNA
Gazment Bardhi akuzohet për falsifikim firmash/ Balla zbulon skandalin
Foto ilustruese

Seanca e sotme parlamentare ka nisur me debate pasi Kuvendi ka rrëzuar kërkesën për të futur në rendin e ditës diskutimin për ngritjen e një Komisioni Hetimor Parlamentar për Investimet Strategjike.

Kreu i grupit parlamentar të PS-së, Taulant Balla, ka akuzuar Gazment Bardhin për përpjekje për falsifikim të firmave, pasi sipas tij nuk mund të marrësh firmat nga një dokument dhe t’i transferosh në një dokument tjetër.

“Debati në konferencën e kryetarëve ishte i qartë. Je sekretari i Përgjithshëm i PD-së. E para, ka dy vlerësime që bën Kuvendi i Shqipërisë. Aspekti i përmbushjes dhe karakterit formal të kërkesës. Nuk ka ndodhur në 30 vite që të marrësh firmat e një dokumenti të rrëzuar dhe të marrësh sërish ato firma dhe t'i sjellësh në Kuvend. Është një përpjekje për falsifikim. Nuk mund të marrësh firmën e një firmëtari dhe ta transferosh në një dokument tjetër. Ajo që është evidentuar se 35 firma të administruara për një dokument të datës 24 maj u ishin shtuar 2 firma të tjera për një dokument të ri. Si mund të ketë besim se ti do të hetosh zbatimin e një ligji kur ti shkel me të dyja këmbët ligjin bazë”, tha Balla.

Kujtojmë se Gazment Bardhi ka dorëzuar në Kuvendin e Shqipërisë, kërkesën e firmosur nga 35 deputetë të PD-së, për ngritjen e Komisionit Hetimor për investimet strategjike./ CNA.al

 

Lajmet e fundit nga