web counter
LEXO PA REKLAMA!

SHKARKO APP

App Store
Google Play

E fundit!

x

Zhupa kërkon llogari për “Butrintin”/ "Po lihet në duart e një fondacioni"

9 Qershor 2022, 11:00, Politikë CNA

Zhupa kërkon llogari për “Butrintin”/ "Po lihet

Çështja e "Butrintit" ka zbritur sërsish në Kuvend, pasi deputetja e PD-së, Ina Zhupa, ka kërkuar interpelancë me ministren Elva Margariti.

Deputetja e Partisë Demokratike, Ina Zhupa, ka kërkuar llogari duke thënë se tashmë edhe procesi kërkimor është në duart e fondacionit kërkimor.

Deputetja shtoi se edhe ky proces që i takon shtetit, tashmë po ia kalojnë privatit.

“Gjendem sërish para jush për të kërkuar llogari për parkun e Butrintit. Keni vendosur ta ndani në dy pjesë. Meqë ju keni besim ta dorëzoni Butrintin në duart e një fondacioni, atëherë ta dorëzojmë edhe në duart e tyre Ministrinë e Kulturës. Për herë të parë me marrëveshjen e koncensionit që ju keni bërë, shkruhet se fondacioni miraton veprimtaritë ekonomike, artistike, turistike dhe kërkimore. Po ndalem te kjo e fundit, jo sepse të tjerat nuk janë të rëndësishme, por sepse lidhet me faktin që është Ministria e Turizmit për pjesën turistike. Kërkimore, atëherë në mënyrë të çuditshme organi më i lartë sipas rregullit është Këshilli, por ju e keni marrë dhe ia keni transferuar një fondacioni. Pra, ata zgjedhin se kush do të bëjë kërkime në Butrint. Privati po zgjedh se kush do të bëjë kërkime në Butrint,”- tha Zhupa.

Ministrja e Kulturës, Elva Margariti, i është përgjigjur deputetes së PD-së, Ina Zhupa, duke i thënë se “është ndezur llampushka e një publiciteti shterpë”.

“Në respekt të kërkesës për interpelancë, ndonëse jo mbi pyetje konkrete, do të vazhdojmë të sqarojmë ata të cilët ndoshta kanë ende hapësira për sqarime, por mendoj se është për të ndezur llambushka të një publiciteti shterpë dhe me kauza të munguara. E keni dëgjuar disa herë dhe duhet ta ripërsëris që Butrinti do të vijojë të jetë pronë e shtetit dhe nuk i jepet asnjë privati. Do të administrohet nga një fondacion shqiptar, do të jetë bashkëpunim me fondacionin shqiptaro-amerikan për zhvillim, punët e të cilit i kemi dëgjuar tashmë që nga pazari i Gjirokastrës, i Tiranës, i Krujës, etj.

Ky fondacion do të monitorohet nga Ministria e Kulturës si përfaqësues i palës shtet për të kontrolluar të gjithë aktivitetin e fondacionit, ashtu siç do të auditohet në një nga 'big4'. Marrëveshja e administrimit nuk parashikon asnjë tjetërsim apo kalim prone. Në krye të fondacionit është bordi me 5 anëtarë, 2 nga Ministria e Kulturës, 2 nga partneri strategjik dhe një arkeolog i famshëm, Richard Horges.

Shteti shqiptar nëpërmjet MK është drejtues i bordit. Kjo është një nga kërkesat primare që kemi pasur që në fillim të hartimit të planit. Fondacioni funksionon sipas ligjit të OJF-ve shqiptare, pra është jofitimprurës duke hedhur poshtë çdo akuzë, alibi apo pikëpyetje ngritur me të ardhurat e Butrintit. Çdo qindarkë do të mbetet në Butrint. Investimet që parashikohen janë në total 7.5 milionë dollarë, ku 5 milionë janë dhënë në formën e marrëveshjes së grantit nga partneri strategjik dhe 2 milionë të tjera janë të garantuara nga arka e parkut të Butrintit, të mbledhura në periudhë 10-vjecare. Parashikojmë të kemi 110 punonjës në Butrint dhe shteti nuk do të shpenzojë para për pagat e punonjësve”, tha Margariti./ CNA.al





Lajmet e fundit nga