LEXO PA REKLAMA!

SHKARKO APP

“Unë jam pa shkollë”/ Rama thumbon Tabakun

9 Qershor 2022, 12:14, Politikë CNA
“Unë jam pa shkollë”/ Rama thumbon Tabakun
Kryeministri, Edi Rama

Kryeministri Edi Rama u është përgjigjur akuzave të deputetes Jorida Tabaku, me thumbime.

Rama i drejtohet me ironi, duke thënë se nuk mund t’i hyjë debatit me të pasi, Tabaku është me shkollë dhe ai jo.

Ndër të tjera, Rama thekson se sipas shifrave të INSTAT rezulton se në Shqipëri është niveli i inflacionit më i ulët se në vendet e tjera të rajonit.

"Jam shumë dakord me ju zonja Tabaku, është shumë e rëndësishme dhe e dobishme që të flasim për jetën e përditshme të njerëzve dhe duke qenë se unë nuk kam shkollë dhe ju jeni me shkollë, nuk po hyj se nuk po hyj dot te debati juaj me ministren e financave për stagflacionin. Duke qenë se ju flisni me shifra, do t'ju isha shumë mirënjohës nëse do të më orientoni ku i keni gjetur shifrat e INSTAT se unë i kam përpara. Sipas INSTAT, inflacioni në Shqipëri është rritur 6.2%, në Serbi 6.6, në Maqedoninë e Veriut 10%, në Kosovë 11.2%, në Mal të Zi 11.2%.

A ka ndonjë asye që Shqipëria të jetë thuajse sa gjysma e vendeve të rajonit? Mbase ka më shumë arsye se ato që duke u përpjekur të mësoj, mund të them këtu, por së paku janë 2 arsye të rëndësishme, e para fakti që vetëm në Shqipëri si askund tjetër në rajon dhe Europë, çmimi i energjisë mbahet aty ku ishte para se të shfaqeshin simptomat e krizës. Kudo tjetër energjia po bën reprezalje mbi ekonomi dhe sot nafta është patjetër komponent, por energjia për të cilën ne vazhdojmë paguajmë nga buxheti i shtetit është arsyeja pse kemi këtë normë inflacioni.

E dyta, rritja e prodhimit vendas se nuk e kemi importuar të gjithë masën e normës së inflacionit nga vendet e tjera edhe për shkak të zëvendësimit. Dje solla shifër konkrete në samit dhe po e përsëris, vetëm për eksportet me Serbinë dhe Maqedoninë e Veriut kemi rritje shumë domethënëse, thuajse dyfish në aspektin e fondeve", tha Rama./ CNA.al

 

Lajmet e fundit nga