LEXO PA REKLAMA!

SHKARKO APP

Basha nuk e njeh Alibeajn kryetar/ Mashtrime me autorizime false

6 Mars 2023, 13:52, Politikë CNA

Basha nuk e njeh Alibeajn kryetar/ Mashtrime me autorizime false

Lulzim Basha nuk e ka dhënë dorëheqjen si kryetar i PD-së.

Ai thjesht dhe vetëm ka bërë një deklaratë publike, por ka mbajtur emërimin e tij si kryetar të regjistruar në gjykatë.

Dokumenti i mëposhtëm është nxjerrë pak ditë më parë nga Gjykata e Tiranës për t’u çuar në KQZ dhe për t’u regjistruar grupi i Lulzim Bashës që pretendohet se tashmë drejtohet nga Enkelejd Alibeaj.

Vërtetimi është nxjerrë me datë 1 nga Gjykata e Tiranës, ndërkohë që me datë 3 zhvillohej procesi gjyqësor, se çfarë do të ndodhte me vulën.

Basha nuk e njeh Alibeajn kryetar/ Mashtrime me autorizime false

Dikush e ka ditur më parë dhe ka nxjerrë çdo dokument për t’u regjistruar në KQZ, sipas dokumentit të Gjykatës si Lulzim Basha kryetar i PD-së.

Pra, Lulzim Basha ka gënjyer publikisht edhe për dorëheqjen e tij edhe për statutin e vjetër të tij, apo dhe për të riun e 11 dhjetorit që kërkojnë Berisha dhe të tijtë për ta regjistruar në Gjykatë dhe më pas të procedojnë në KQZ.

 

Lulzim Basha ka gënjyer, saqë edhe vetë Alibeaj e ka besuar se është kreu i PD-së.

 

Mesa duket Basha, nuk ka pasur besim për ta regjistruar Alibeajn në Gjykatë dhe e ka lënë me autorizim.

CNA.al, ka raportuar edhe më parë se Lulzim Basha thjesht dhe vetëm kishte bërë një deklaratë publike për dorëheqje, por nuk ka pasur kurajë që të çregjistrohet.

Ai po e mban peng PD-në, duke nxjerrë në plan të parë Alibeajn, apo të tijtë.

Basha nuk e njeh Alibeajn kryetar/ Mashtrime me autorizime false

Sipas statutit të vjetër është e qartë se në rast të dorëheqjes së kryetarit, sekretari i Përgjithshëm duhet të bëjë një veprim, të emërojë një nga nënkryetarët.

Gazment Bardhi ka deklaruar se një nga nënkryetarët është emëruar kryetar dhe ai duhet të regjistrohej në Gjykatë.

Pra, me apo pa procese gjyqësore, me statutin e vjetër apo të riun, grupi i Lulzim Bashës, duhej të kishte regjistruar zyrtarisht në Gjykatë Enkelejd Alibeajn si kryetar.

Por, kjo nuk ka ndodhur, Gazment Bardhi nuk e ka çuar. Një mashtrim tjetër ky.

Nuk është vetëm fakti që Luli e ka dhënë dorëheqjen dhe nuk e ka çuar në Gjykatë një deklaratë se është larguar nga drejtimi i PD-së, por dhe vetë Gazment Bardhi që flet si parimor dhe mban qëndrime të ashpra duke thënë se ai nuk është i korruptuar, nuk është pjesë e lojërave, por është pjesë e së vërtetës, nuk e ka çuar dorëheqjen e Lulzim Bashës në Gjykatë dhe komandimin që i ka bërë Enkelejd Alibeajt si kryetar i PD-së.

Basha nuk e njeh Alibeajn kryetar/ Mashtrime me autorizime false

Basha nuk e njeh Alibeajn kryetar/ Mashtrime me autorizime false

Dokumenti i nxjerrë me datën 1 tregon qartazi se kemi të bëjmë me një mashtrim publik, me një tallje tjetër me demokratët, për më shumë mes shqiptarëve, të bërë nga Lulzim Basha dhe nga bashkëpunëtorët e tij, Enkelejd Alibeaj dhe Gazment Bardhi, të cilët qartazi kanë treguar edhe njëherë çfarë janë në gjendje të bëjnë, që të jenë pjesë e pazareve të pushtetit, edhe pse nuk i do kush, nuk i mbështet kush, nuk i voton kush, kërkojnë që të vazhdojnë këtë lojë politike me vulë të vjedhur, me skema, skenarë dhe dorëheqje që kurrë nuk kanë marrë formë ligjore, sepse përdoren mekanizma për të qëndruar sa më shumë e sa më gjatë si faktorë në politikë./CNA.al

Lajmet e fundit nga