web counter
LEXO PA REKLAMA!

SHKARKO APP

App Store
Google Play

“Alibeaj, një bosh”/ Avokatja: Gjykata i dha kohë të garantojë humbjen e opozitës

3 Mars 2023, 20:14, Politikë CNA

“Alibeaj, një bosh”/ Avokatja: Gjykata i dha kohë të

Avokatja Enida Bozheku ka analizuar vendimin e Gjykatës së Apelit, e cila ktheu për rishqyrtim në Gjykatën e Faktit çështjen e vulës, duke legjitimuar grupin e Alibeajt si palë në proces.

Bozheku tha në një intervistë me Sonila Meçon se sot gjykata i dha kohën e mjaftueshme Enkelejd Alibeajt që ai të shkojë në zgjedhje dhe të garantojë humbjen e opozitës në Shqipëri.

Kjo pasi sipas saj, Alibeaj është një bosh që ka një opozitë pa anëtarë.

“Në fakt pritej, ndoshta jo rikthimi në shkallë të parë, që tani është rikthyer në një lojë të rrezikshme, sepse koncepti i demokracisë dhe ajo pjesë e popullatës e cila është anëtarësia e këtij grupi politik, e udhëhequr nga Sali Berisha, atë do populli demokrat dhe kjo gjëja tjetër, se unë nuk e quaj ndryshe dot, se nuk është PD-ja, do të shkojë në KQZ sepse e ka hapësirën e kohës për të shkuar në KQZ ditën e hënë dhe do të shkojë të bëjë regjistrimin normal të opozitës sepse ajo thotë se unë përfaqësoj opozitën, një opozitë pa anëtarë, një bosh.

Problemi i drejtësisë është akoma më i thellë, përveç faktit që u krijua një precedent, problemi tjetër është se si Gjykata e Apelit e heq nga vetja në këto momente, në moment që e çon për rishqyrtim e ka pranuar që Alibeaj është i legjitimuar. Nuk e di se si do të argumentojnë këtë gjë.

Gjykata e Apelit nëpërmjet kleçkave juridike, apo drejtësisë pa drejtësi, i dha kohën e mjaftueshme Alibeajt që ai të shkojë në zgjedhje dhe të garantojë humbjen e opozitës në Shqipëri. Sepse edhe qytetari tani thotë kë të shkoj të votoj, sepse demokratët janë të papërfaqësuar tani”, u shpreh avokatja./ CNA.al





Lajmet e fundit nga