web counter
LEXO PA REKLAMA!

SHKARKO APP

App Store
Google Play

E fundit!

x

Mero Baze sulmon Ramën/ "Politikan i korruptuar, i dhj*rë, por krenar"

2 Tetor 2025, 14:38, Plaku Mere CNA

Thellohet edhe më tej beteja e Mero Bazes, dikur ushtar i bindur i Sali Berishës, i dëbuar prej këtij të fundit për shkak të pazareve dhe benefiteve apo milionave që kërkonte dhe më pas i strehuar në gjirin e Edi Ramës.(LEXO KETU)

Mesa duket edhe me kryeministrin Rama historia e dashurisë së Meros ka përfunduar, lufta është e hapur dhe gjithçka ka filluar pas arrestimit të Erion Veliajt nga SPAK-u. (LEXO KETU)

Mero Baze vazhdon të mashtrojë publikisht për disa javë dhe ende nuk ka nxjerrë dokumentin që ka akuzuar prokurorin Ols Dado, gjithashtu mashtrimi i tij i përsëritur është se Erion Veliaj është mbajtur në burg pa akuzë. (LEXO KETU)

Në fakt jo vetëm akuzë, por tashmë është çuar çështja për gjykim, por ka edhe një fraksion të një dosjeje tjetër hetimore dhe ka të paktën 13 akuza, nuk është marrë pa akuzë.

Por ta lëmë mënjanë këtë dhe t’i kthehemi betejës që ka filluar me kryeministrin Edi Rama. Në një nga këto lajthitjet e tij të përmbrëmshme, Mero Baze shkruan se tani kemi një republikë prokurorësh me politikanë të korruptuar, që u kanë dorëzuar republikën nga frika e së ardhmes së tyre prokurorëve dhe për këtë është bërë edhe zhvlerësimi i votës së qytetarëve.

Mero Baze sulmon Ramën/ "Politikan i korruptuar, i dhj*rë, por
Artikulli në gazetën "Tema"

Kush janë politikanët e korruptuar se reformën në drejtësi e ka marrë përsipër Edi Rama?

Kryeministri ka dalë dhe ka thënë disa herë se është ai njeriu që ka kërkuar, ideuar dhe mbështetur reformën në drejtësi, përkundrazi e mbështet në çdo dalje të tij dhe thotë se do të mbajnë distancë nga drejtësia dhe nuk do të marrë askënd në mbrojtje, drejtësia të bëjë punën e saj me gjithë kritikat që ka kryeministri. Pra kryeministri thotë reformën në drejtësi e bëra unë, shumicën e votave e kisha unë, ideja ishte e imja, mbështetjen e kam unë.

Kush është politikani i korruptuar që u ka dorëzuar Republikën Kushtetuese prokurorëve për të ardhmen e tij? Mos është ky Edi Rama?

S’ka diskutim, për Meron është Rama, por nuk ka b*thë ta thotë, kështu më tej ai thotë se shteti është i turpëruar për shkak të kësaj gjëje dhe na thekson se për 45 ditë me vrap i morën postin kryetarit të Bashkisë së Tiranës.

Në fakt, Tirana ka 7 muaj pa kryetar bashkie dhe në krye të saj kishte një kryetar të korruptuar, i cili ka 9 akuza për korrupsion ende, megjithëse prezumohet i pafajshëm, por me gjithçka kemi parë dhe është vërtetuar nga prokurorët, Erion Veliaj është jo thjesht dhe vetëm i shumakuzuar, por ështe edhe kryetari i bashkisë që ka përgjegjësi për inceneratorin e munguar të Tiranë, që ka përgjegjësi për qytetin që është më i papastër, ka përgjegjësi për drejtorët e tij hajdutë të dosjes "5D", sepse ishte ai që i kishte emëruar, ata nuk mbinë.

 

Për më tepër ka përgjegjësi për median e korruptuar dhe të kapur si rasti i Mero Bazes, që është paguar me qindra mijëra euro nga vëllai i tij apo që ka ngritur një strukturë mediatike me shpifës, mashtrues dhe sharlatanë, të cilët nga barkçjerrë dhe brekëgrisur dje janë kthyer në miliarderë sot.

 

Lufta e Mero Bazes me Edi Ramën duket që është thelluar më tej për Erion Veliajn.

Tashmë Mero duket se strehën e fundit të maskarallëkut të tij e ka pasur në sqetullën e zdromsit, të kryebashkiakut të burgosur dhe ka filluar të dalë hapur dhe përballë kryeministrit Rama, të cilin e ka akuzuar se është ai që e ka arrestuar kryetarin e Bashkisë Tiranë dhe tani Mero na thotë se ia rrëmbyen edhe postin e kryetarit.

Në fakt ishte po Edi Rama që e shkarkoi, është po Edi Rama që Mero Baze i thotë i korruptuar që ka bërë reformën në drejtësi dhe është po Edi Rama që e ka dorëzuar sipas Meros Republikën Kushtetuese në dorë të prokurorëve, të cilët në fakt nuk duhet ta akuzonin Erion Veliajn, por meqë është i zgjedhur me vota nga populli dhe është i korruptuar dhe i shumakuzuar nga SPAK-u, me 13 akuza dhe këto nuk duhet të ekzistonin dhe duhet të ndiqej i lirë, të vazhdonte të qëndronte në zyrë, të bënte qejfin e tij se meqë ka marrë shumë vota dhe është në krye të bashkisë duhet të vijojë detyrën edhe pse ka akuza, edhe pse prish provat, vetëm e vetëm që t’i mbushë xhepat Mero Bazes, këllirës mediatike, mashtruesit publik më të neveritshëm që ka parë historia e medias shqiptare./CNA

 





Lajmet e fundit nga