web counter
LEXO PA REKLAMA!

SHKARKO APP

App Store
Google Play

E fundit!

x

Mero Baze kapet sërish duke mashtruar

5 Shtator 2025, 11:47, Plaku Mere CNA
Mero Baze kapet sërish duke mashtruar
Mero Baze

Drafti i Kodit të ri Penal, i cili u prezantua më 25 korrik, solli pas një sërë reagimesh, një lumë kritikash dhe akuzash, që pasojnë me mashtrime e gënjeshtra nga ata të ashtuquajturit mbetje mediatike.

Nga propaganda dhe nga mediat që janë kryesisht nën urdhrat e kryebashkiakut të arrestuar të Tiranës, u shit si një Kod Zyrtar i përgatitur nga Ministria e Drejtësisë.

Në fakt, këtë mashtrim e vijon Mero Baze, mbetja mediatike dhe roja i Erion Veliajt, që jo më kot e kemi krahasuar me doktor Zeqo Pilafin.

Sipas një editoriali, alla soj nga ato që bën Mero mashtruesi, na thotë se tashmë është zbuluar se kush po e bën Kodin Penal, që sipas tij janë ministri i Drejtësisë, Ulsi Manja, dhe Arben Rakipi, kreu i Magjistraturës.

Mero Baze mashtron.

Fakti është se Ministria e Drejtësisë nuk është hartuesja e Draftit të Kodit Penal, por porositësja.

Drafti i Kodit Penal ka nisur përgatitjet nga një grup pune dhe ka filluar që në vitin 2019, në kohën kur ministre e Drejtësisë ishte Etilda Gjonaj dhe jo Ulsi Manja.

Sipas të dhënave në vitin 2019, në kohën kur ministre ka qenë Etilda Gjonaj, është ngritur një grup pune për të diskutuar a ka nevojë për ndryshime në Kodin Penal në kuadër edhe të hapave që po hidhen drejt BE-së.

Më pas, në vitin 2023, gjatë kohës që ministër ka qenë Ulsi Manja, grupi i punës ka marrë formë ligjore, që do të thotë një grup që punon për interes të Kodit dhe që njihet nga Ministria e Drejtësisë.

Vetë ministri Ulsi Manja dje e bëri të qartë se “Roli i Ministrisë së Drejtësisë është ai i porositësit të draftit të Kodit të ri Penal, si përmbushje e detyrimeve tona në negociatat për integrimin në BE”.

Kështu rrjedhimisht bien poshtë edhe akuzat për grupin e punës që ka përgatitur draftin e Kodit Penal.

Grupi i punës që Ulsi Manja ka gjetur duke punuar për Kodin e ri Penal, kur ka ardhur në detyrë si ministër i Drejtësisë është ky:

- kryetar i grupit Arben Rakipi, drejtor i Shkollës së Magjistraturës;

- pedagogu i së Drejtës Penale, Skënder Kaçupi;

- gjyqtari i Gjykatës së Lartë, Sokol Binaj;

- gjyqtarja e Apelit të Posaçëm, Tereza Merkaj;

- gjyqtari i Shkallës së Parë të Posaçme, Erjon Bani;

- gjyqtari i Gjykatës së Tiranës, Gerd Hoxha.

 dhe prokurorët:

-Kujtim Luli,

-Arqile Koça,

-Ylli Pjetërnika,

-Andi Pogaçe.

Mero Baze kapet sërish duke mashtruar

Mero Baze kapet sërish duke mashtruar

Mero Baze kapet sërish duke mashtruar

Ky grup ishte kompozuar dhe u ishte kërkuar të kontribuonin për një draft Kodi Penal, që prej vitit 2019, kur jo Ulsi Manja, por Etilda Gjonaj ishte ministre e Drejtësisë.

Pra, drafti i Kodit Penal nuk është hartuar nga Ulsi Manja, ashtu siç pretendon Mero mashtruesi, por Ministria e Drejtësisë është porositësja.

Ulsi Manja është porositësi, është ministri i Drejtësisë dhe kjo nuk ka filluar me Ulsi Manjën, por me Etilda Gjonajn dhe mund të vazhdojë edhe me një ministër tjetër nesër.

Pra, Mero Baze mashtron kur thotë se janë Ulsi Manja dhe Arben Rakipi që kanë bërë draftin e Kodit Penal.

Siç e përmendëm edhe më lart, është një grup ekspertësh që është marrë me përgatitjen e draftit të Kodit Penal.

Ajo që thotë dhe pretendon Mero Baze është një mashtrim si të gjitha mashtrimet e tjera që bën dhe ne do t’ia nxjerrim zbuluar çdo ditë.

Fakti që Mero Baze mashtron edhe për Kodin Penal është se ka inatet e tij personale me Ulsi Manjën për çështje që lidhen me paratë që jep Erion Veliaj dhe asgjë më shumë se kaq. Kodi Penal është porositur nga Ministria e Drejtësisë, por e kanë bërë ekspertët.

Tani jemi në fazën që CNA e ka thënë shumë muaj më parë që drafti i Kodit Penal do të diskutohet në grupet e interesit, me grupe të tjera ekspertësh, në tavolina më të zgjeruara dhe do të marrë mendime që mund të çojnë edhe në ndryshime, pasi ashtu siç është theksuar është një draft i Kodit Penal.

Mashtrimet e mbetjes mediatike të Erion Veliajt, rojes së fundit të tij, që po ia kalon dhe doktor Zeqo Pilafit, janë gënjeshtra të sajuara për interesa që lidhen me kryebashkiakun e arrestuar të Tiranës, për të cilin rëndojnë disa vepra të rënda penale për 13 akuza./ CNA

 





Lajmet e fundit nga