web counter
LEXO PA REKLAMA!

SHKARKO APP

App Store
Google Play

E fundit!

x

Mashtruesi Mero Baze dhe djemtë e tij

4 Shtator 2025, 12:48, Plaku Mere CNA

Mashtruesi Mero Baze dhe djemtë e tij

Mero Baze është një gazetar i pretenduar, i cili prej 20 vitesh ushqehet me urrejtjen dhe sharjet e tij ndaj PD-së. Ka gjetur strehë te mazhoranca e Edi Ramës që e ka kthyer nga një “brekëgrisur” në një miliarder.

Dikur me një shtëpi me fonde të dhëna nga institucionet e Berishës, qëndronte pranë këtij të fundit si “biri i vetëm”, një mendjendritur që çfarë nuk bënte nga ato që i thoshte Saliu. Atëherë hante bukë duke sharë Ramën apo Nanon.

Të parin edhe më shumë, deri në akuza familjare duke i prekur dhe fëmijët, akuza makabre, të cilat janë ndoshta hapi i parë dhe themeli i një gazetarie të pështirë, të ndyrë, të stilit alla Mero Baze.

Ne e kemi krahasuar me doktor Zeqo Pilafin si mashtrues, me rolin e Cekes në një nga kinokomeditë më të bukura të shkruara dhe të vëna në ekran nga Arjan Çuliqi.

Zeqo Pilafi, një mashtrues që pretendonte se shëronte njerëzit, ndërkohë Mero Baze një mashtrues që pretendon se kontrollon perceptimin publik, opinionin, mendimin, sepse është një kokë e madhe dhe di shumë.

Çdo ditë që kalon, më shumë mësohet vetmia, pleqëria e tij, braktisja, por që Mero e quan krenari se i ka bërë miliarderë fëmijët e tij.

Në fakt, fëmijët e tij duhet të quhen fëmijët e një mashtruesi.

Fëmijët e tij janë milionerë, me hotel, dhjetëra miliona euro prona pasuri. Mero shkruan, sulmon një biznes dhe më pas shkon e blen apartament atje për një copë bukë. Ndërton hotele dhe pasuron fëmijët. Ky është Mero mashtruesi.

Me apo pa cene, me çakërrë apo gagaçë, me fjalë të bukura apo të pista, mashtruesi Mero Baze nesër do të jetë një simbol për fëmijët e tij, të cilët do të quhen djemtë e mashtruesit Mero Baze.

I tillë është. Shkruan dhe mashtron çdo ditë. Një ditë është pro SPAK-ut, ditën e dytë është kundër. Një ditë është këshilltari i Metës, një ditë lumturohet se arrestohet, ditën e tretë bërtet pse e arrestuat dhe pse e dhunuat, kur në fakt e dhunoi policia e qeverisë që do Mero Baze.

Zullumqari, mashtruesi, që në pafytyrësinë e tij mediatike, tashmë me maskën e çjerrë dhe me fytyrën e tij si doktor Zeqo Pilafi, ende nuk tregon dokumentet që ai së bashku me Erion Veliajn kanë akuzuar një prokuror të SPAK-ut, dhe gjithë kohës e kanë pasur target.

Në fakt, e vërteta është se ka pasur një tjetër prokuror në këtë çështje, që emrin e ka Altin Dumani, dhe është zyrtari i parë shqiptar i pritur në nivelin më të lartë në SHBA me ardhjen e presidentit Donald Trump.

Askush tjetër deri më tani, përfshirë kryeministrin, liderin e opozitës dhe minjtë që do Mero Baze nuk kanë mundur të shkojnë në atë lloj niveli.

Por nuk e përmend emrin e tij sepse është një frikacak, është një mbetje mediatike, që lart e poshtë thotë se Erion Veliajn e mban në burg Edi Rama, që lart e poshtë deklaron se Erion Veliaj duhet të flasë, që lart e poshtë ushqehet duke shkruar ca rreshta kundër Saliut, se ende ka ndonjë të "sëmurë mendor" që mund ta marrë sërish seriozisht.

I mbetur i vetëm Mero Baze tashmë është pa asnjë diskutim një mashtrues publik i vërtetuar.

Tashmë fëmijët e tij nuk quhen djemtë e Mero Bazes, por thjesht djemtë e një mashtruesi që është kapur në flagrancë, i cili me të tilla skema, skenarë, mashtrime, shpifje, fyerje, lëpirje ka mundur t’i pasurojë ata, t’i bëjë milionerë. Zgjedhje është dhe kjo. Mund të shkosh të lëpihesh në çdo fundshpinë të mundshme derisa ato mbarojnë dhe përfundon te fundshpina e Erion Veliajt./ CNA

 





Lajmet e fundit nga