web counter
LEXO PA REKLAMA!

SHKARKO APP

App Store
Google Play

E fundit!

x

Dita e pestë/ Pse Erion Veliaj dhe Mero Baze nuk e publikojnë kërkesën e Ols Dados

22 Gusht 2025, 14:33, Aktualitet CNA

Dita e pestë/ Pse Erion Veliaj dhe Mero Baze nuk e publikojnë

Sot bëhen plot 5 ditë që nga postimi i Erion Veliajt, një dokument pa firmë që i drejtohet GJKKO-së për të shpallur të pavlefshme hetimet ndaj kryebashkiakut, i cili ndodhet në qelitë e burgut të Durrësit me 13 akuza për disa vepra të rënda penale.

Edhe pas 5 ditësh, Erion Veliaj dhe Mero Baze nuk e kanë publikuar ende kërkesën e pretenduar prej tyre me firmën e prokurorit Ols Dado për një shtesë mbi lejen e ndërtimit dhe as refuzimin e kësaj kërkese me firmën e Erion Veliajt. (Kërkesa nuk ekziston as refuzimi, njësoj si inceneratori i Tiranës)

Çfarë thotë Mero Baze pas bërjes publik të dokumentit me 175 pika në 77 faqe pa firmë.

“Pra, është e qartë që kemi të bëjmë me një hetim të kërkuar me ngulm nga një prokuror, i cili muaj më parë ka pasur konflikt personal për të, lidhur me kërkesat e tij për një leje ndërtimi jashtë kritereve ligjore që kishte bashkia, e cila nuk i është realizuar”, thotë Mero Baze, i cili shërben si vegël e kryebashkiakut Erion Veliaj.

Dita e pestë/ Pse Erion Veliaj dhe Mero Baze nuk e publikojnë
Artikulli i Mero Bazes

Kështu, sipas Mero Bazes prokurori na qenka në konflikt interesi.

Ku është kërkesa me firmën e Ols Dados që sipas pretendimeve të Mero Bazes e nxjerr në konflikt interesi prokurorin?

Askund nuk po e shohim. 

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Dita e pestë/ Pse Erion Veliaj dhe Mero Baze nuk e publikojnë
Pretendimi i Veliajt

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, pasi, sipas tij, nuk i është dhënë leja e ndërtimit për shtesën pasi ka bërë një kërkesë.

Dita e pestë/ Pse Erion Veliaj dhe Mero Baze nuk e publikojnë
Pretendimi i Veliajt

Ku është refuzimi me firmë i Veliajt për kërkesën e Ols Dados?

Pse edhe kanë kaluar 5 ditë Erion Veliaj dhe Mero Baze ende nuk e kanë publikuar kërkesën me firmën e Ols Dados dhe refuzimin me firmë të Erion Veliajt?

Kur do ta publikojnë që të gjithë të shohin konfliktin e interesit për të cilin pretendojnë Erion Veliaj dhe “vegla” e tij Mero Baze?/ CNA

 





Lajmet e fundit nga