web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet lidhja e Mero Bazes me Evi Kokalarin

30 Gusht 2025, 17:30, Aktualitet CNA

Zbulohet lidhja e Mero Bazes me Evi Kokalarin

Në mediat online po qarkullon një informacion që është kthyer në lajm viral. Bëhet fjalë për padinë që ka ngritur këngëtarja e njohur shqiptare me famë ndërkombëtare Bleona Qerreti ndaj Evi Kokalarit.

Kjo e fundit, bëri ardhjen në Shqipëri në vitin 2021 gjoja si aktiviste e PD-së, por herë pas herë në mediet në Shqipëri u raportua se ishte një instrument i keqpërdorur nga njerëzit e pushtetit, siç e tregoi edhe koha.

CNA ka treguar me fakte lidhjet e saj me Erion Veliajn dhe tashmë këto provohen edhe më tej.

Lajmi viral i publikuar sot në të gjitha mediet dhe portalet online, u hodh edhe nga gazeta ‘Tema’. Ne kemi ruajtur edhe një pamje që është foto e mëposhtme:

Zbulohet lidhja e Mero Bazes me Evi Kokalarin
Lajmi i publikuar sot nga gazeta 'Tema'

Lajmi është publikuar dhe më pas është fshirë.

Zbulohet lidhja e Mero Bazes me Evi Kokalarin
Lajmi i fshirë

Në foton e parë është lajmi dhe në foton e dytë dallohet se lajmi është fshirë.

Po kush është lidhja e Evi Kokalarit me Mero Bazen?

Ka qenë gazeta ‘Tema’ e të famshmit Doktor Zeqo Pilafi si personazh ose i njohur publikisht si Mero Baze që e ka hedhur dhe e ka fshirë lajmin.

Është e vjetër lidhja e Evi Kokalarit me Mero Bazen, ndërmjetësi është Erion Veliaj. Mero Baze njihet si mik i Veliajt dhe nuk kishte si të ndodhte ndryshe. Doktor Zeqo Pilafi ynë tani del hapur dhe qartazi dhe na konfirmon lidhjen.

Burime nga stafi i fletores sharëse që e bëri milioner Bazen dhe fëmijët e tij, thanë për CNA se gazetarët e hodhën lajmin online, pasi ishte diçka interesante, për një këngëtare dhe një personazh si Evi Kokalari që flet e shan opozitën apo sillet sikur është kryetare e PD-së. Më pas ka qenë ndërhyrja e Mero Bazes që e ka fshirë lajmin i cili theksonte se Kokalari do të duhej tashmë të përballej me akuzat në gjykatë dhe me një dëmshpërblim të kërkuar prej 2 milionë eurosh.

Është e vjetër lidhja e Evi Kokalarit me Mero Bazen. Prej shumë muajsh, Doktor Zeqo Pilafi ynë siç ne e quajmë Meron, mashtruesin publik të Erion Veliajt, e kemi parë vazhdimisht të publikojë statuse dhe sulmet e Evit ndaj opozitës dhe Partisë Demokratike.

Sapo stafi i gazetës ‘Tema’ ka publikuar padinë e Bleona Qerretit ndaj Evi Kokalarit, një lajm kundër saj, menjëherë një telefonatë, lidhja direkte e Kokalarit me Mero Bazen dhe doktori ynë Zeqo Pilafi ka fshirë lajmin për padinë kundër Evi Kokalarit.

Lidhja është e qartë, është e vjetër dhe është Erion Veliaj, kryebashkiaku i arrestuar i Tiranës që ndodhet në burgun e Durrësit.

Mjafton të shohim publikimet e fundit të doktor Zeqo Pilafit për Evi Kokalarit për të kuptuar se është në të njëjtën linjë me Mero Bazen dhe ky i fundit tashmë ia ka shpërblyer nderin për shumë statuse të publikuara nga Evi Kokalari për të cilat thuhet se i shkruan Mero Baze, doktor Zeqo Pilafi ynë dhe ia nis Kokalrit për t’i publikuar në faqet e saj në rrjetet socialet dhe më pas që Mero t’i publikojë në gazetën ‘Tema’.


Por mesa duket, stafi i gazetës ka bërë sot një gabim, duke publikuar një lajm pa marrë leje, duke detyruar më pas doktor Zeqo Pilafin tonë, Mero Baze që të fshijë lajmin për kallëzimin kundër Kokalarit, që duhet të përballet me akuzë në gjyakatën e Nju Jorkut duke rrezikuar të humbasë 2 milionë dollarë./CNA





Lajmet e fundit nga