web counter
LEXO PA REKLAMA!

SHKARKO APP

App Store
Google Play

E fundit!

x

Veliaj i çon kërcënime Ramës përmes Mero Bazes

11 Shtator 2025, 15:03, Politikë CNA

Veliaj i çon kërcënime Ramës përmes Mero Bazes

Në një material të publikuar nga Mero Baze direkt pas kërkesës së kryeministrit Edi Rama për shkarkimin e kryebashkiakut të Tiranës, Erion Veliaj, i cili ndodhet në burgun e Durrësit, ka ardhur edhe reagimi i këtij të fundit.

Një material pa autorësi, në fakt shpesh materialet ligjore të avokatëve të Veliajt nuk mbajnë emër, kjo ndoshta edhe për faktin se në tekste ka edhe budallallëqe apo mashtrime.

Veliaj i çon kërcënime Ramës përmes Mero Bazes

Veliaj i çon kërcënime Ramës përmes Mero Bazes

Veliaj i çon kërcënime Ramës përmes Mero Bazes

Veliaj i çon kërcënime Ramës përmes Mero Bazes

Janë dy rastet e konfirmuara, ai i kërkesës së prokurorit Ols Dado drejtuar bashkisë për shtesë, kur në fakt prej javësh ai nuk publikohet, apo fakti kur theksohet se nuk janë prokurorë, kur në fakt kanë shërbyer si të tillë dhe kanë kaluar edhe vetingun e kontrolluar nga pushteti i Rilindjes.

Në reagimin e nxjerrë nga Baze ka fraza të qarta kërcënuese që Veliaj nuk do të tërhiqet, por do të përballet me Edi Ramën. Në fakt, javë pas javë mentori i Veliajt, Mero Baze ka artikuluar faktin se Veliajn e ka burgosur Edi Rama, por s’ka pasur kurrë kurajë ta shkruajë publikisht. Kohët e fundit Mero rekomandon ushqimet foragjere në shënimet e tij të hallakatura.

Lufta e Veliajt me Ramën sapo ka filluar dhe reagimi i atij, që sot mund të quhet ish-kryebashkiaku i Tiranës, ka qenë i menjëhershëm dhe kërcënues ndaj kryeministrit.

Në reagimin pa emër, por që mbron Veliajn shkruhet: “Edi Rama gjatë fjalës së tij në Asamblenë Kombëtare të Partisë Socialiste hodhi idenë për një emër të ri në krye të Bashkisë së Tiranës, duke sugjeruar shkarkimin e Erion Veliajt.

Politika ka gjithmonë të drejtën e saj për të kërkuar ndryshime, për të artikuluar qëndrime dhe për të shprehur mosbesim ndaj një figure të caktuar, por e drejta politike është një gjë, ndërsa baza ligjore është diçka krejt tjetër.

Më tej jepet rekomandimi kujdes, “Testi i proporcionalitetit është kusht i domosdoshëm: rëndësia e ligjit të shkelur, pasojat e shkeljes, kohëzgjatja e tyre dhe qëndrimi subjektiv i personit ndaj shkeljes duhet të vlerësohen me kujdes përpara marrjes së një vendimi kaq drastik”, shkruhet në reagimin pa emër që mbron Veliajn me baza ligjore.

Në reagim theksohet edhe çështja e vendimit të Gjykatës së Apelit moment kur mendohet se Rama i ka kërkuar dorëheqjen Erion Veliajt, “Vendimet e Gjykatave të Apelit mund të jenë të ekzekutueshme, por nuk janë përfundimtare, prandaj nuk mund të përdoren si bazë për të ndërprerë një mandat të zgjedhur. Kjo është një garanci ligjore që mbron parimin e prezumimit të pafajësisë dhe legjitimitetin e mandatit të dalë nga vota e qytetarëve”.

Në fund qershia mbi tortë që tregon sulmin e Veliajt dhe përballjen me Ramën në Gjykatën Kushtetuese në rast se kryebashkiaku shkarkohet. Në përfundim, ky debat na rikujton një dallim themelor në demokraci: ndarja midis së drejtës politike për të kërkuar ndryshime dhe kufijve që vendos ligji për të mbrojtur stabilitetin dhe legjitimitetin e institucioneve të dala nga vota popullore.

Shkarkimi i një kryetari bashkie është një instrument i jashtëzakonshëm, i rrezikshëm për t’u politizuar dhe prandaj i lidhur me standarde të larta ligjore. Në rastin e Erion Veliajt, këto standarde nuk plotësohen, dhe për pasojë, çdo lëvizje e Ramës mbetet një akt më shumë politik sesa juridik.

Përplasja sapo ka filluar, në ditët në zhvillim situata pritet të tensionohet edhe më tej me rezistencën e Veliajt për të mos lënë detyrën dhe kryeministri Rama që ka shpallur tashmë Manastirliun kandidate për Bashkinë e Tiranës./ CNA

 





Lajmet e fundit nga