web counter
LEXO PA REKLAMA!

SHKARKO APP

App Store
Google Play

E fundit!

x

Doktor Zeqo Pilafi gjen fajtorin për persekutimin e Veliajt

24 Shtator 2025, 14:59, Plaku Mere CNA

Doktor Zeqo Pilafi gjen fajtorin për persekutimin e Veliajt

Nuk mund ta thërrasim më në emër Mero Bazen. Thjesht do t’i themi doktor Zeqo Pilafi, një mashtrues ordiner, publik, një gazetar që qelb erë, nga një brekëgrisur që u kthye në miliarder.

Por, le t’i lëmë mënjanë këto terma dhe t’i kthehemi një fakti.

Dje ka shkruar nga ato lëçitjet e tij, që i ka pak të lodhura. Ndoshta pleqëria e parakohshme, sforcimi mendor, e kanë telendisur. Dhe ç’të bëjë i shkreti?! Duhet ta mbushë atë faqen se mendon se lexohet ende dhe vlen shumë.

Shkruan aq shumë budallallëqe, sa të bën të gajasesh. Fajin për persekutimin e Veliajt e paska Ulsi Manja. Manja e paska persekutuar dhe linçuar Erion Veliajn, bashkë me prokurorët e SPAK-ut.

Kjo nuk është për të qarë. Kjo është më shumë për të qeshur.

Ulsi Manja, në fakt, nuk ishte kryeministër, ishte ministër Drejtësie. A mundet Manja të ketë forcë dhe të kishte kurajën që të godiste Erion Veliajn, deri me skema e skenarë, me prokurorët e SPAK-ut dhe ta persekutonte në burg.

Pallavrat e Mero Bazes!

Fëlliqësirës më të ndryrë mediatike në qarkullim. Mjafton ta shikosh. Mund të të vijë për ta pështyrë, por ndoshta ofendon pështymën po t’ia hedhësh në fytyrën e tij. Jo se thotë për Ulsiun, apo për SPAK-un, apo për gazetarët, por për Mero Bazen e paguar nga Erion Veliaj, nga ministrat e Edi Ramës.

Për Mero Bazen e paguar nga paratë e reklamave, të kompanive private që menaxhohen nga vëllai i Veliajt. Për Meron që sulmoi një ndërtues dhe më pas shkoi e gjeti zyra për gazetën e tij. Një gjobë e pastër publike.

Për Meron, sipas të cilit, fajin e ka Ulsi Manja për persekutimin e Veliajt, jo Edi Rama, që e shkarkoi dhe më pas i futi edhe një shkelm bythëve. Se Ramën ky merhumi shkretë se përmend dot, se e di që të nesërmen ngelet pa bukë. Megjithëse kryeministri e ka hedhur në kosh dhe herë pas here i hedh ndonjë letër higjenike kokës.

Deri dje, fajin e kishte Ols Dado, se Altin Dumanit nuk ka kurajo t’i përmendë emrin. Tani fajin e ka Ulsi Manja që e linçoi bashkë me SPAK-un. Këtë djalë të ndershëm si Erioni, që vetëm gruaja e tij kishte blerë 850 mijë euro brekë, fustane, etj.

Por, në fakt, historia e tij nuk është një histori brekësh. Historia e hetimit të Erion Veliajt është një histori e pastrimit të produkteve të veprës penale, korrupsioni, akuzash, shpërdorimi të detyrës.

Është një histori që duhet ta marrë Veliajn së bashku me Mero Bazen si pjesë të një grupi të strukturuar kriminal, por që fatkeqësisht, mesa duket, Altin Dumani dhe Ols Dado janë treguar zemërgjerë sepse kemi të bëjmë më një grup të strukturuar, ku bën pjesë edhe doktor Zeqo Pilafi ynë, apo siç e quajmë ndryshe Merhum Këllira alias Mero Baze./CNA

 





Lajmet e fundit nga