LEXO PA REKLAMA!

SHKARKO APP

“Më ka marrë malli për ty”, Fidel Ylli flet për udhëheqësin e tij shpirtëror: Më del në ëndërr

29 Nëntor 2023, 20:09, Sport CNA
“Më ka marrë malli për ty”, Fidel Ylli flet për
Fidel Ylli

I ftuar këtë të mërkurë në emisionin “Rudina” në Tv Klan, ka qenë kryetari i Komitetit Olimpik Shqiptar, Fidel Ylli.

Gjatë programit, atij iu desh t’i përgjigjej 31 pyetjeve, të ‘servirura’ nga moderatorja, Rudina Magjistari. Kur kjo e fundit e pyeti nëse ai ka një personazh që e ka model dhe e inspiron, Fidel Ylli dha një përgjigje që na surprizoi.

Rudina Magjistari: A ka Fideli, një personazh që e ke model dhe të inspiron?

Fidel Ylli: Unë kam një udhëheqës shpirtëror, që quhet Dede Ahmet. Dede Ahmeti ka qenë kryetari Kryegjyshatës Botërore të Bektashinjve dhe historitë e tij mua më kanë frymëzuar dhe më frymëzojnë. Unë jam rritur në një familje pa fe, siç ka qenë koha e komunizmit dhe nuk na kanë ushqyer as me kisha as me xhami. Pavarësisht, unë jam bektashi mysliman, por nusen e kam ortodokse, fëmijët janë pagëzuar në kishë, s’kemi pasur probleme të kësaj natyre. Por Dede Ahmeti është udhëheqësi im shpirtëror, ku në urdhrat e tij, unë bëj çdo hap të jetës time. Ai ka ndërruar jetë në vitet ’80.

Rudina Magjistari: Dhe ti vazhdon, ndjenë jehonën e urdhrave të tij? Ose këshillat e tij?

Fidel Ylli: Unë jetoj, flas me të, i shkoj çdo ditë të enjteve te varri, tek Kryegjyshata.

Rudina Magjistari: Vërtetë?

Fidel Ylli: Po.

Rudina Magjistari: I ulem në gjunjë dhe i flas, them: “më ka marrë malli për ty”. Dhe mbas 2-3 ditësh mua më del në ëndërr. Dhe një ditë më doli dhe më vuri dorën tek balli, më tha: “këtu jam or bir, këtu jam, nuk të ndahem”. Dhe sa për dijeni, sa për ta ilustruar, ky është Dede Ahmeti (i tregon varësen me imazhin e tij Rudina Magjistarit). E kam gdhendur në flori Dede Ahmeti sepse (puth varësen) ky është personi që mua më bën të butë, mua më udhëheq, mua më ka dhënë atë qetësinë shpirtërore, që them “jeta është e shkurtër”. /tvklan.al

Lajmet e fundit nga