web counter
LEXO PA REKLAMA!

SHKARKO APP

App Store
Google Play

E fundit!

x

“Lashë inxhinierinë dhe vazhdova aktrimin pa dijeninë e prindërve”/ Rrëfehet Bujar Kapexhiu, si e priti familja

26 Qershor 2022, 22:39, Lifestyle CNA
“Lashë inxhinierinë dhe vazhdova aktrimin pa dijeninë e
Bujar Kapexhiu

Regjisori i njohur, Bujar Kapexhiu, ishte i ftuar këtë të dielë në programin “Dola te Ola” ku ka folur për jetën e tij profesionale dhe familjare.

Gjatë bisedës Bujar Kapexhiu rrëfeu se në fillim ai nisi studimet për inxhinieri, si një dëshirë kjo e prindërve të tij, ndërkohë që donte aktrimin.

Regjisori zbuloi se la studimet për inxhinieri dhe vazhdoi aktrimin, duke mos u treguar prindërve për 2 vite.

“Ishte një moment i trishtueshëm për familjen, por më vonë u kënaqën se të gjithë shokët e mi që mbaruan për inxhinieri i dërguan në veri, ndërsa mua më mbajtën në Tiranë”.

Bujar Kapexhiu kujtoi momente shumë të bukura nga karriera e tij e gjatë dhe e suksesshme, duke filluar nga momenti kur filloi punë në Teatrin e Tiranës si regjisor përballë kolosëve të mëdhenj e duke vazhduar me pjesëmarrjen në Festivalin e 11-të si prezantues apo edhe se si u bë pjesë e filmave shqiptarë jo vetëm si regjisor, por edhe si aktor.

Bujari rrëfeu se pas Festivalit të 11-të e dërguan për riedukim dhe fatmirësisht nuk hyri në burg. Ai tregoi se gjatë kohës që punonte si punëtor, ai nuk bënte asnjë aktivitet tjetër pasi e dinte që ndiqej, ndaj shmangte çdo dalje./E.T-CNA.al

 





Lajmet e fundit nga