LEXO PA REKLAMA!

SHKARKO APP

‘Ishte mrekulli’/ Erla Mëhilli rrëqeth me historinë e saj, tregon momentin më të vështirë të jetës

26 Qershor 2022, 13:15, Lifestyle CNA
‘Ishte mrekulli’/ Erla Mëhilli rrëqeth me historinë e
Moderatorja, Erla Mëhilli

Moderatorja Erla Mëhilli, si asnjëherë më parë, ka rrëfyer një nga momentet më të vështira që ka kaluar në jetën e saj.

E ftuar në emisionin "E ardhmja është vajzë", moderatorja tregon se gjatë shtatzënisë me fëmijën e parë, ka pasur një problem shëndetësor që ka vënë në rrezik jetën e saj dhe të fëmijës, duke rrezikuar lindje të parakohshme, por që mrekullisht ia doli së bashku me të birin.

“Një moment vërtetë i vështirë ishte momenti kur isha shtatzënë me djalin e parë, Akidin. Sepse zbulova për një problem shëndetësor gjatë kohës që isha shtatzënë dhe në fillim të muajit të 6 pata një problem, rrezikova dështimin. U shtrova në spital, kam ndenjur disa ditë. Natën e parë përjetova konvulsionet e një lindjeje të parakohshme.

Mbaj mend që kërkoja qetësues, nuk më bënte njeri, m’i bënë të nesërmen në mëngjes. Pra, i përjetova të gjitha, unë nuk e kuptoja që ishin konvulsione, por m’i shpjeguan që ishin, zëre se po lindja. Në fakt nuk e humba. Ishte moment i vështirë sepse të gjithë ata mjekë që unë kisha përreth më thoshin kot e ke, nuk do t'ia dalësh dot.

Ndërsa Halim Kosova, që ishte gjinekologu me të cilin unë ndiqesha, nuk vinte në spital, por ndiqesha me telefon ato ditë, më thoshte mos dëgjo njeri, më dëgjo mua, sepse do të shkojë çdo gjë në rregull.

Në fakt më vonë, pasi përcaktuam ditën se kur do të lindja, e thoshte dhe vetë dhe ma thotë edhe kësaj dite nëse e takoj në rrugë: nuk e di si ia dole. Ishte mrekulli”, ka thënë Erla./ CNA.al

Lajmet e fundit nga