A ekziston “shpirti binjak” në një marrëdhënie në çift?

19 Maj 2023, 07:57, Kuriozitete CNA

A ekziston “shpirti binjak” në një marrëdhënie

Foto ilustruese

Koha kur ndihemi më afër lumturisë është kur biem në dashuri me dikë. Sigurisht, për sa kohë që kjo është e ndërsjellë. Kur nuk është kështu, ne mund të përjetojmë një “sindromë të zemrës së thyer”, ose kardiomiopatia Takotsubo siç njihet në mjekësi, e cila prek muskujt e zemrës dhe mund të jetë kërcënuese për jetën.

Sido që të jetë, siç e dinë të gjithë, dhe siç na e kujtojnë vazhdimisht këngët e dashurisë, dashuria romantike është burimi i shumë emocioneve intensive dhe konfliktuale që nuk ka gjasa të na mbajnë të lumtur për shumë kohë.

Problemi me dashurinë romantike, është se ajo shpesh shkon keq. Mund të rezultojë të jetë jo reciproke, ose e tradhtuar, ose thjesht mund të marrë fund. Dhe kur ndodh ndonjë nga këto gjëra, pasojat janë shumë të dhimbshme.

Më shumë funksionale sesa romantike

Në kohët e vjetra, përpara se dashuria romantike të shpikej në Mesjetë nga trubadurët, për poetët dhe këngëtarë lirikë, në Francën Jugore, dashuria ishte një çështje shumë më funksionale sesa është sot, dhe në atë kohë të rinjtë kishin një zgjedhje mesatarisht shumë të kufizuar të partnerëve të mundshëm në mjedisin përreth.

Pasi u shpik dashuria romantike, gjërat u ndërlikuan më shumë. Për të qenë të sinqertë, duhet të supozohet se ajo kishte ekzistuar në njëfarë mase edhe përpara trubadurëve, edhe pse konsiderata të tjera më praktike rregullonin shpesh dashuritë midis të rinjve.

Impulset romantike duket se janë në fakt mjaft të ngulitura në planin tonë njerëzor.

Gjithsesi, ekziston një aspekt i dashurisë që është relativisht i ri dhe që ka krijuar probleme të rëndësishme për ne: Ky është koncepti i “The One”, ose besimi se ekziston vetëm një shpirt binjak i vetëm dhe unik për secilin prej nesh.

I duhuri

Ideja romantike e “shpirtit binjak” është në dukje e bukur, por është në të njëjtën kohë e gabuar, madje edhe kundërproduktive, në rast se nuk kuptohet si dikush është bërë shpirti ynë binjak me dashurinë dhe përkushtimin e tij dhe duke punuar shumë për të siguruar që marrëdhënia të jetë e suksesshme.

Me fjalë të tjera, statusi i “shpirtit binjak”, është diçka që duhet arritur gjatë marrëdhënies në çift. Një “shpirt binjak”, nuk është një personi i vetëm dhe unik që na plotëson në mënyrë të përsosur, dhe të cilin duhet ta gjejmë nëse shpresojmë të jemi të lumtur një ditë. Në realitet, për secilin prej nesh, ka disa shpirtra binjakë të mundshëm që janë në pritje për t’u gjetur nga ju.

Një dashuri joreciproke

Dashuria është shumë më pak specifike sesa ajo që mund të sugjerojnë këngët romantike. Mbajtja parasysh e këtij elementi, do të na ndihmojë shumë nëse do të zbulojmë se dashuria jonë është joreciproke apo e tradhtuar. Ai ose ajo nuk ishte realisht “shpirti ynë binjak”. Ndërkohë të tjerët që janë më të kualifikuar për t’u bërë përfundimisht të tillë janë atje jashtë, duke pritur të na takojnë.

Shënim: Rafa Euba, psikiatër me përvojë me banim në Londër. Ka mbajtur leksione në disa universitete dhe ka shkruar shumë artikuj në shtyp dhe 3 libra./ Përshtatur nga CNA.al