web counter
LEXO PA REKLAMA!

SHKARKO APP

E fundit!

x

Vrasja e 18-vjeçarit në Shkozë, Gjykata lë në burg 4 të rinjtë

4 Prill 2024, 15:19, Kronika CNA
Vrasja e 18-vjeçarit në Shkozë, Gjykata lë në burg 4
Aureljo Dervishi

Gjykata ka lënë në burg 4 të rinjtë e arrestuar për vrasjen e Aureljo Dervishit më 31 mars në Shkozë.

Të 4 djemtë akuzohen për vrasje me dashje e kryer në bashkëpunim.

Në Polici, 4 të rinjtë kanë treguar dinamikën e ngjarjes duke deklaruar që janë shkëmbyer me makinë dhe aty janë konfliktuar dhe më pas janë përleshur. 15-vjeçari i arrestuar ka pranuar se ai e ka qëlluar më thikë Aureljo Dervishin.

Ndërsa dy 16-vjeçarët e tjerë kanë pranuar se kanë dhunuar grupin tjetër, por sipas tyre nuk kanë përdorur thikë. Të njëjtin qëndrim ka mbajtur edhe 20-vjeçari i arrestuar, F. Sh.

Po ashtu, në makinë me viktimën kanë qenë dy djem të tjerë dhe dy vajza të tjera. Ata janë marrë në pyetje dhe kanë deklaruar se janë ndeshur me automjetin e autorëve, pasi po bënin xhiro nëpër lagje për shkak se banesat e tyre nuk janë pranë.

Vajza e mitur 16-vjeçare ka dëshmuar se ishte e lidhur me Frensis Shehun, mikun e autorit të vrasjes. Ajo ka deklaruar se në makinë me viktimën ishte për shkak të miqësisë që kishin dhe se e kishte në afërsi të lagjes. Sipas dëshmisë së vajzës të dyja grupet janë shkëmbyer në afërsi të Shkozës.





Lajmet e fundit nga