web counter
LEXO PA REKLAMA!

SHKARKO APP

App Store
Google Play

E fundit!

x

Vodhi në ambientet e spitalit të Elbasanit/ Arrestohet në flagrancë "hajduti seral"

10 Dhjetor 2022, 10:12, Kronika CNA
Vodhi në ambientet e spitalit të Elbasanit/ Arrestohet në
Foto Ilustruese

Një 27-vjeçar ka përfunduar në prangat e policisë, pasi akuzohet për veprën penale "vjedhja".

Mësohet se ai është kapur në flagrancë, teksa vodhi brenda ambienteve të spitalit të Elbasanit.

Gjithashtu autoritetet bëjnë me dije se i riu ishte autor i disa vjedhjeve në Elbasan.

Njoftimi i policisë:

Elbasan/Finalizohet operacioni policor i koduar "The end", për zbardhjen e 5 raste vjedhjesh.

Vodhi në ambientet e spitalit të Elbasanit, arrestohet në flagrancë 27-vjeçari.

I arrestuari, autor edhe i disa vjedhjeve të tjera, të ndodhura në qytetin e Elbasanit, gjatë këtij viti.

Shërbimet e Komisariatit të Policisë Elbasan, në bashkëpunim me Forcën e Posaçme "Shqiponja", menjëherë pas marrjes së njoftimit për një vjedhje në ambientet e spitalit "Xhaferr Kongoli", kanë organizuar punën në kuadër të operacionit policor të koduar "The end", me qëllim kapjen dhe nxjerrjen përpara përgjegjësisë penale, të autorit të këtij rasti.

Si rezultat, u bë e mundur kapja dhe arrestimi në flagrancë i shtetasit M. V., 27 vjeç, banues në Elbasan, për veprën penale "Vjedhja".

Nga veprimet hetimore, rezultoi se ky shtetas është autor edhe i një sërë vjedhjesh të tjera, konkretisht:

-Më datë 23.03.2022, në rrugën "Rinia", i ka vjedhur çantën e dorës, një shtetaseje;
-Më datë 21.05.2022, ka vjedhur 2000 euro, në banesën e një shtetasi;
-Më datë 08.08.2022, në lagjen "Luigj Gurakuqi", gjatë natës, ka vjedhur me thyerje, në banesën e një shtetaseje, ku ka marrë sende me vlerë 100 000 lekë të rinj;
-Më datë 14.09.2022, në lagjen “Vullnetari”, ka thyer xhamin e një automjeti dhe ka marrë në brendësi të tij, 10 000 lekë të rinj.

Vijojnë veprimet hetimore për zbardhjen e vjedhjeve të tjera, të kryera nga ky shtetas.

Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme./CNA.al





Lajmet e fundit nga