LEXO PA REKLAMA!

SHKARKO APP

U kapën me snajper në makinë/ Zbardhet dëshmia e personit të arrestuar me ish-efektivin e RENEA-s

28 Korrik 2022, 16:57, Kronika CNA
U kapën me snajper në makinë/ Zbardhet dëshmia e personit
Foto montazh

Gjykata ka lënë sot në burg ish-efektivin e RENEA-s, Remal Rada, dhe shtetasin Elton Hithi, të cilët u arrestuan pasi iu gjet në makinë dhe shtëpi një arsenal armësh.

Mësohet se Rada nuk ka dhënë asnjë shpjegim para togave të zeza për snajperin dhe armët e sekuestruara, ndërsa e kundërta ka ndodhur me Hithin.

Ky i fundit ka treguar se më datë 29 ka udhëtuar drejt Anglisë për të takuar vëllain e tij dhe atje ka njohur një person me emrin Ilir.

Tre ditë pasi është kthyer në Shqipëri, ai shpjegon se një shoku i Ilirit e kishte telefonuar dhe kishin lënë takim. Sipas tij, ky person mund të ketë futur armën në makinën me të cilën ai po udhëtonte me Radën.

“Më tha jam shoku i Ilirit, dhe kam një porosi për ty. E lamë të takoheshim pranë një restoranti të njohur tek rruga e Elbasanit.

I thashë do shkojmë tek një lokal të marrim disa rroba që mi ka sjellë një shok që kam njohur në Angli. Kur mbërritëm tek lokali ku kisha lënë takimin me personin që më priste, ai zbriti nga lokali dhe shkoi tek parkimi ku unë ndodhesha me makinën time ‘Mercedes Benz’ me targë FP 63 VFF.

Ky person ishte me dialekt si nga Vlora, me brezore dhe me rroba të errëta. Diçka nuk më pëlqeu, pasi i kisha thënë që të vinte tek lagia ime dhe ai kishte këmbëngulur. Pasi kam hipur në makinë i thashë Remalit mos na kanë futur ndonjë gjë në çantë. Në atë moment na ndaloi policia”, tregon Hithi.

Ai tha se arrestimi i tyre ka qenë i planifikuar nga policia dhe personi që i solli çantën, ndërsa pretendon se nuk ka pasur dijeni për armën./ B.A. - CNA.al

Lajmet e fundit nga