LEXO PA REKLAMA!

SHKARKO APP

E fundit!

x

Merr fund pengmarrja e adoleshentit në Elbasan/ Prangosen autorët

28 Korrik 2022, 11:11, Kronika CNA

Merr fund pengmarrja e adoleshentit në Elbasan/ Prangosen autorët

Ka marrë fund pengmarrja e një adoleshenti në Elbasan, e cila ka ndodhur mbrëmjen e djeshme.

Burime nga policia bëjnë të ditur se janë arrestuar autorët dhe është liruar adoleshenti i cili ishte marrë me forcë nga një makinë.

Ngjarja erdhi pas një përleshjeje mes dy grupeve adoleshentësh mbrëmjen e djeshme rreth orës 22:20 pranë stadiumit në Elbasan.

"Mbrëmjen e djeshme, rreth orës 22:20, salla operative e DVP Elbasan ka marrë njoftim për një konflikt mes disa adoleshentëve, në afërsi të pallatit të sportit. Sipas njoftimit disa nga personat e përfshirë në konflikt kishin marrë në automjet, pa dëshirën e tij, një person tjetër të përshirë në konflikt. 

Menjëherë pas marrjes së njoftimit, shërbimet e Policisë kanë shkuar në vendngjarje dhe falë veprimeve të shpejta hetimore dhe profesionale kanë bërë të mundur zbardhjen e rrethanave të ngjarjes dhe identifikimin e personave të përshirë në konflikt. 

Në përfundim të veprimeve, u arrestuan në flagrancë shtetasit: D. B., 20 vjeç, F. G., 19 vjeç, B. Q. 22 vjeç dhe E. G., 20 vjeç, banues në Elbasan. 

Këta shtetas, pas një konflikti fizik për motive të dobëta, në bashkëpunim me njëri-tjetrin, kanë mbajtur me forcë në automjet, për disa minuta, një 17-vjeçar të përfshirë në konflikt.   

Materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprën penale "Heqja e paligjshme e lirisë", e kryer në bashkëpunim."-njofton Policia./CNA.al

Lajmet e fundit nga