LEXO PA REKLAMA!

SHKARKO APP

App Store
Google Play

Sekuestrohen 35 kilogramë drogë/ Prangoset 30-vjeçari, të cilit iu gjetën thasët plot kanabis

4 Tetor 2023, 11:51, Kronika CNA
Sekuestrohen 35 kilogramë drogë/ Prangoset 30-vjeçari, të
Foto ilustruese

Policia në Shkodër ka vënë në pranga shtetasin N.M., 30 vjeç.

Sipas policisë ky shtetas në bagazhin e automjetit kishte fshehur dy thasë me drogë, të llojit kanabis.

Sasia që u sekuestrua ishte 35 kilogramë kanabis.

30-vjeçari akuzohet për veprën penale “Prodhimi dhe shitja e narkotikëve.”

“Në vijim të operacioneve policore, me fokus goditjen e veprimtarive kriminale në fushën e narkotikëve, shërbimet e Komisariatit të Policisë Shkodër kanë siguruar informacion se një shtetas po transportonte një sasi të konsiderueshme lënde narkotike cannabis sativa.

Informacioni është administruar menjëherë nga shërbimet e Policisë dhe në kuadër të operacionit policor të koduar "Delivery", në aksin rrugor “Shkodër-Prekal”, në fshatin Ura e shtrenjtë, është ndaluar për kontrolle automjeti me drejtues shtetasin N. M.

Gjatë kontrolleve, në bagazhin e këtij automjeti u gjetën 2 thasë me lëndë të dyshuar narkotike cannabis sativa, me peshë totale 35 kilogramë, të cilët u sekuestruan në cilësinë e provës materiale.

Në vijim të veprimeve procedurale për këtë rast specialistët e Seksionit për Hetimin e Narkotikëve të DVP Shkodër arrestuan në flagrancë shtetasin N. M., 30 vjeç, banues në Shkodër, për veprën penale “Prodhimi dhe shitja e narkotikëve”.

Në drejtimin e Prokurorisë, vijojnë hetimet për zbardhjen dhe dokumentimin e plotë ligjor të këtij rasti, si dhe për identifikimin dhe nxjerrjen përpara përgjegjësisë penale të shtetasve të tjerë të përfshirë në të”, njofton policia./ CNA

Lajmet e fundit nga