LEXO PA REKLAMA!

SHKARKO APP

Digjen 10 dynym tokë në Hamallaj/ Arrestohen 2 autorët, nën hetim dy persona të tjerë

4 Tetor 2023, 10:57, Kronika CNA

Digjen 10 dynym tokë në Hamallaj/ Arrestohen 2 autorët, nën

Shërbimet e Stacionit të Policisë Manzë dhe ato të Komisariatit të Policisë Kavajë, sapo janë njoftuar për 4 vatra zjarri në fshatrat Hamallaj, Agonas dhe Bago, janë nisur menjëherë në drejtim të këtyre fshatrave, bashkë me shërbimet zjarrfikëse.

Si rezultat i veprimeve të shpejta hetimore dhe procedurale janë identifikuar të 4 autorët e këtyre zjarrvënieve.

Sipas policisë janë arrestuar në flagrancë shtetasit H. X., 69 vjeç dhe A. V., 49 vjeç, të dy banues në fshatin Hamallaj, pasi kanë ndezur zjarre për djegien e disa mbeturinave, dhe si pasojë e përhapjes së flakëve, janë djegur rreth 10 dynym tokë arë, në pronësi të 2 shtetasve të tjerë.

Po ashtu Specialistët për Hetimin e Krimeve të Komisariatit të Policisë Kavajë referuan materialet në Prokurori ku nisi procedimi në gjendje të lirë për shtetasit Xh. Ç., 60 vjeç dhe E. B., 61 vjeç, të dy banues në Kavajë, pasi kanë ndezur zjarre për djegien e disa mbeturinave, në fshatrat Agonas dhe Bago, dhe si pasojë e përhapjes së flakëve, janë djegur rreth 1.4 dynym tokë arë dhe tokë e mbjellë me ullinj, në pronësi të shtetasve të tjerë./ CNA

Lajmet e fundit nga