LEXO PA REKLAMA!

SHKARKO APP

Në kërkim për vrasjen e xhaxhait dhe plagosjen e kushëririt/ Flet nga arratia autori i dyshuar: S’kam lidhje

3 Tetor 2023, 09:54, Kronika CNA
Në kërkim për vrasjen e xhaxhait dhe plagosjen e kushëririt/
Foto ilustruese

Gjovalin Guri i cili është shpallur në kërkim pasi dyshohet se ka vrarë xhaxhain dhe ka plagosur kushëririn e tij në Dukagjin, ka folur nga arratia duke mohuar akuzat për ngjarjen.

Sipas Gjovalin Gurit në momentin kur ka ndodhur ngjarja ai ka qenë i fshehur në shtëpinë e tij dhe vrasjen e ka marrë vesh përmes një telefonate.

Policia dyshon se ngjarja e rëndë ka ndodhur pas një konflikti që ka nisur prej vitesh mes familjes, për shfrytëzimin e një hapësire pyjore.

Gjovalin Guri nuk e ka pranuar këtë version të policisë duke thënë se prej 12 vitesh nuk merret më me shfrytëzimin e pyllit.

Gjithashtu ka hedhur poshtë akuzat për kultivim të kanabisit.

Në një intervistë për mediat, Gjovalin Guri ka kërkuar nga shteti që të bëhet drejtësi dhe të hiqen akuzat ndaj e quan veten të pafajshëm dhe se nuk ka asnjë lidhje me akuzat që i janë bërë qoftë për vrasjen apo kultivimin e kanabisit./ CNA

Lajmet e fundit nga