LEXO PA REKLAMA!

SHKARKO APP

"S’jam kërcënuar kurrë"/ Avokati hedh poshtë deklaratat e Artan Tafanit: E kam kushëri, ka varësi nga droga

2 Tetor 2023, 10:34, Kronika CNA
"S’jam kërcënuar kurrë"/ Avokati hedh poshtë
Adriatik Doga

Avokati nga Lushnja, Adriatik Doga, e ka quajtur një trillim atentatin dhe vrasjen që ishte planifikuar për të nga Artan Tafani, bashkëpunëtori i drejtësisë i arrestuar nga operacioni "Kurrë mos harro". 

Në një intervistë televizive, Doga është shprehur se nga momenti që e ka dëgjuar këtë fjalë nga drejtori i policisë së Shtetit Muhamet Rrumbullaku, jeta e tij dhe e familjes nuk është më e qetë.

Ai tregon se asnjëherë nuk është ndier i kërcënuar nga Artan Tafani, përkundrazi përpara arrestimit të bashkëpunëtorit të drejtësisë, ata kanë pirë kafe së bashku sepse janë edhe kushërinj.

Avokat Doga shprehet se që nga momenti që emri i tij u bë publik si shënjestër për t’u vrarë, nuk ka kërkuar mbrojtje, por të paktën duhej të ishte bërë një ballafaqim me Tafanin.

Doga theksoi se Tafani është njeri i varur nga lëndët narkotike dhe duhen parë edhe rrethanat e deklaratave të tij përpara prokurorisë.

“Unë e kam marrë vesh nga konferenca për shtyp e drejtorit të Policisë së Shtetit, jam shokuar. Trillim. Telefonatat e njerëzve, shkrimet në portale, ndihesh i shqetësuar, se nuk pushonte telefoni. U tha se më është bërë 3 herë atentat, për mua nuk ekziston. As jam ndier i kërcënuar apo të më ketë marrë dikush në telefon, prej 10 vitesh. S’jam ndier i kërcënuar kurrë. Nuk kam pasur asnjë përplasje, asnjë marrëdhënie me grupin e Haxhiut. Kam qenë avokat i Mariusit, madje e kam kushëriri. Madje xhaxhai i tij më tha që të isha avokati i tij ditën kur u arrestua, por kur dëgjova pas dy ditësh këtë deklaratë, u habita. Nuk kam pasur asnjë kontakt nga policia apo prokuroria. Asnjë interesim. Nuk kërkoj mbrojtje për veten time. Nëse shteti e ndien veten për të mbrojtur, të më mbrojë. Kush ka ndërmend të më vrasë, të më vijë më vrasë. Me Laert Haxhiun nuk njihem as për fytyrë, me babain e tij përshëndetem me respekt rrugës. Me Mariusin kam marrëdhënie familjare dhe kam qenë avokat i tij. Kur më ka kërkuar kushdo mbrojtje ligjore, kundrejt pagesës, e kam marrë në mbrojtje", u shpreh avokati. 

Avokati thotë më tej se nuk ka njohje personale me Laert Haxhiun dhe asnjëherë nuk ka pasur konflikte as me çështjet e tij dhe as me grupin rival, atë të Aldo Bares.

 

 

Lajmet e fundit nga