LEXO PA REKLAMA!

SHKARKO APP

App Store
Google Play

Si u kapën trafikantët shqiptarë në Selanik/ Drogën e kishin paketuar me simbole naziste

29 Shtator 2023, 15:30, Kronika CNA

Si u kapën trafikantët shqiptarë në Selanik/ Drogën e

585 kilogramë e 208 gramë është sasia e kokainës së kapur në operacionin e policisë greke të kësaj të premteje në Selanik.

Droga u gjet e paketuar në 500 pako, disa prej të cilave mbanin simbole naziste. 

Gjatë operacionit u arrestuan 5 persona, 4 prej të cilëve janë shqiptarë me lidhje familjare.

Mediat vendase raportojnë se 50-vjeçari me origjinë shqiptare është kreu i bandës që trafikonte drogën.

Kokaina u kap në kuadër të hetimeve në zonat e Agia Triada dhe Neo Epivata të Selanikut, gjatë kohës kur dy nga të arrestuarit po udhëtonin me makina me qira. 

Në kohën kur policia greke ndaloi njërin prej automjeteve, drejtuesi i mjetit të dytë tentoi të largohej po gjatë tentativës për të ikur u përplas me një makinë policie dhe me murin rrethues të një ndërtese.

Si u kapën trafikantët shqiptarë në Selanik/ Drogën e

Përveç kokainës, u gjetën dhe u sekuestruan shtatë telefona që përdoreshin për të komunikuar me njëri-tjetrin, një detektor metali dhe sende të tjera.

Gjithashtu u sekuestruan 7740 euro që dyshohet se ishin përfituar nga aktiviteti kriminal dhe një makinë pasagjerësh në pronësi të drejtuesit të organizatës.

Një pjesë e sasisë së drogës së sekuestruar mendohet se do të qëndronte në Greqi, ndërsa pjesa më e madhe e saj ishte destinuar për t'u dërguar drejt Evropës. 

Çmimi i kokainës llogaritet në 11-33 milionë euro./ CNA

Si u kapën trafikantët shqiptarë në Selanik/ Drogën e

Si u kapën trafikantët shqiptarë në Selanik/ Drogën e

Si u kapën trafikantët shqiptarë në Selanik/ Drogën e

Lajmet e fundit nga