LEXO PA REKLAMA!

SHKARKO APP

Po shpërndanin drogë pranë gjimnazit/ Në pranga 2 persona, njëri prej tyre i mitur

4 Tetor 2023, 09:23, Kronika CNA
Po shpërndanin drogë pranë gjimnazit/ Në pranga 2 persona,
Foto ilustruese

Policia e Fierit ka goditur një rast të shpërndarjes së lëndëve narkotike pranë shkollave.

Uniformat blu kanë vënë në pranga shtetasin J. H., 18 vjeç, ndërsa një i mitur është nën hetim.

Këta shtetas u kapën në flagrancë, me disa doza kanabisi, gjatë tentativës për t’i shitur ato, në afërsi të një gjimnazi në qytetin e Fierit.

Policia gjeti dhe sekuestroi 3 qese me lëndë narkotike kanabis sativa (në formë boçeje) me peshë 830 gramë.

15-vjeçari është proceduar disa herë më parë, në gjendje të lirë, për shkak të moshës, për të njëjtën veprimtari kriminale.

Nga verifikimet rezultoi se 15-vjeçari është përdorur më parë për të kryer këtë veprimtari kriminale, nga shtetasi E. M., 26 vjeç, banues në Fier, i arrestuar më datë 19.08.2023, për veprat penale “Prodhimi dhe shitja e narkotikëve” dhe “Largimi i të burgosurit nga vendi i qëndrimit”./ CNA

Lajmet e fundit nga