web counter
LEXO PA REKLAMA!

SHKARKO APP

App Store
Google Play

E fundit!

x

"Revolucion industrial mbrojtës transatlantik"/ Thirrja e Rutte-s në samitin e NATO-s

7 Korrik 2026, 13:20, Kosova & Bota CNA

"Revolucion industrial mbrojtës transatlantik"/ Thirrja e Rutte-s

Sekretari i Përgjithshëm i NATO-s, Mark Rutte, ka bërë thirrje për një ndryshim rrënjësor në industrinë ushtarake, duke kërkuar një revolucion transatlantik të industrisë së mbrojtjes.

Gjatë Forumit të Industrisë së Mbrojtjes të NATO-s, të mbajtur në Ankara, Rutte deklaroi se vendet anëtare duhet të rrisin ndjeshëm kapacitetet e prodhimit ushtarak.

"Zhurma e makinerive duhet të shndërrohet në një ulërimë," u shpreh ai, duke theksuar se industria e mbrojtjes në të gjitha vendet e përfaqësuara duhet të jetë e gatshme të marrë më shumë rreziqe, pasi kërkesa për pajisje ushtarake është në rritje.

Sipas kreut të NATO-s, fuqia ekonomike e vendeve aleate duhet të përkthehet në kapacitete konkrete ushtarake, duke investuar në prodhimin e dronëve, raketave dhe sistemeve të mbrojtjes ajrore.

"Industria në të gjitha vendet e përfaqësuara këtu duhet të jetë e gatshme të marrë më shumë rrezik. Kërkesa është aty dhe ju e dini këtë. Ne duhet të sigurohemi që po e përkthejmë fuqinë tonë ekonomike në aftësi ushtarake, duke i vënë paratë në punë, nga planet e mbrojtjes te dronët, nga paratë te raketat dhe interceptorët", tha Rutte.

NATO prezantoi të martën një seri projektesh ushtarake me vlerë miliarda dollarë. Rutte i cilësoi këto investime si para të shpenzuara mirë, duke theksuar se ato janë të domosdoshme për forcimin e sigurisë së aleancës.

Ndërkohë, Presidenti i Shteteve të Bashkuara, Donald Trump, pritet të mbërrijë në Ankara më vonë gjatë ditës. Ai e ka cilësuar më parë NATO-n si një "tigër prej letre", duke argumentuar se aleanca nuk do të mund të funksiononte pa armët dhe udhëheqjen amerikane. /CNA





Lajmet e fundit nga