web counter
LEXO PA REKLAMA!

SHKARKO APP

App Store
Google Play

Ata që bëjnë sikur nuk e kuptojnë Eduard Shalsin

2024-01-27 10:37:00, Politikë CNA
Ata që bëjnë sikur nuk e kuptojnë Eduard Shalsin
Eduard Shalsi

Një projekt i qartë i mazhorancës në pushtet, që ka shqetësuar jo pak dhe vetë kryeministrin pas daljes së lajmit, pra ngritja e një strukture brenda Parlamentit për të kontrolluar SPAK-un, kjo gjoja në emër të një kontrolli mbi institucionet e pavarura.

Tani duan të shpikin një debat midis kreut të SPAK-ut, Altin Dumani dhe “idiotit të dobishëm” të Rilindjes, Eduart Shalsi. Në fakt, nuk ka një debat të tillë.

CNA ka publikuar një lajm, një informacion politik, të cilin e ka përpunuar në disa burime duke mbledhur informacion afër kryeministrit, që nga mbledhja e Shëngjinit me deklaratat e Lindita Nikollës, qëndrimet publike të Bledi Çuçit, daljet e Eduart Shalsit, Elisa Spiropalit e deri te qëndrimet e fundit të 99-çit më të ri në Parlament, Plarent Ndreca.

Skema me komisionin “Ad-Hoc”

CNA, në lajmet e dhëna ka theksuar se në Parlament është ngritur një grup pune, i drejtuar nga Shalsi, i cili gjoja në emër të performancës së institucionit dhe administratës së Kuvendit do të krijojë një komision “Ad-Hoc”.

Ky komision më pas, në kuadër të integrimit në BE dhe performancës së institucioneve të pavarura të bëjë një goditje të përqendruar ndaj tyre.

Tek institucionet e pavarura hyjnë kryeprokurori, kryetari i Kontrollit të Lartë të Shtetit, kreu i SPAK-ut dhe shumë institucione të tjera.

Ata që bëjnë sikur nuk e kuptojnë Eduard Shalsin
Altin Dumani

Më poblematiku nga të gjithë është SPAK-u, i cili ka në dorë dhjetëra hetime, apo dhe KLSH-ja, që ka në dorë dhjetëra kontrolle. Këto janë hallet e pushtetit.

Pasi CNA raportoi lajmin, reagoi Shalsi në një instervistë në “Top Channel”, ku nuk përjashtoi mundësinë e kontrollit të SPAK-ut dhe nuk përjashtoi komisionin “Ad-Hoc”. Përkundrazi, theksoi ngritjen e tij. Pra, ishte Shalsi ai që tha se do të kishte një komision “Ad-Hoc” pas këtij grupi pune. Më pas doli dhe tha që do rritet perfornca e Kuvendit.

Këtë tha dhe Plarent Ndreca, rishtaku i Rilindjes dhe 99-çave të saj, se drejtoritë e ndryshme të Kuvendit duhet të rrisnin performancën.

Ata që bëjnë sikur nuk e kuptojnë Eduard Shalsin
Plarent Ndreca

Cila është performanca?

E kanë në ligj të përcaktuar, kontrollin, raportet, raportin vjetor. Pse nuk e kanë bërë kjo është përgjegjësi e tyre, por nuk ka një debat këtu. Këtu ka një veprim dhe një aksion të mazhorancës për të goditur SPAK-un për hallet e kësaj mazhorance, për ministrat, kryetarët e bashkisë, ish-zv.kryeministrin, bashkëpunëtorët e ngushtë të kryeministrit Rama, PPP-të, koncesionet, tenderat e kështu me radhë.

Stisja e debatit dhe qëllimi i mazhorancës

Nuk ka një debat të Shalsit për ata që bëjnë sikur nuk e kuptojnë se po përplaset gjoja Shalsi me Dumanin. Jo! Ka një grup pune brenda mazhorancës. Ka dhe një komision me emra dhe deri më sot askush nuk e ka mohuar.

Ata që bëjnë sikur nuk e kuptojnë Eduard Shalsin
Edi Rama dhe Eduard Shalsi

Edhe ata që kanë dalë për ta mohuar e kanë pranuar që grupi i punës ekziston dhe po bën gati komisionin “Ad-Hoc”, por qëllimi i tij nuk do të jetë kontrolli mbi SPAK, por mbi institucionet e pavarura.

Pra, nuk është qëllimi në vetvete mbi SPAK, por ta mbulojmë me të gjithë institucionet e pavarura dhe në fund i fusin edhe një llustër në kuadër të integrimit në Bashkimin Evropian dhe krijojnë lëvizje që duket të jenë presion i qartë ndaj institucioneve kushtetuese.


Në fakt, më shumë sesa i tillë duhet të rezultojë një dështim që duhet ndalur dhe mesa duket ndërkombëtarët janë mjaft të shqetësuar dhe po qëndrojnë përballë.

Për ata që bëjnë sikur nuk e kuptojnë Eduard Shalsin, mjafton të shikojnë videon e mëposhtme, të lexojnë deklaratat e tij të përsëritura, ata ç’na thotë Mamica e Skënderbeut tonë e deri tek enveristi i parafundit që po hesht duke u justifikuar si i sëmurë dhe është larguar nga protagonizmi për të marrë përsipër sulmin e mazhorancës ndaj SPAK-ut./CNA 





Lajmet e fundit nga