web counter
LEXO PA REKLAMA!

SHKARKO APP

App Store
Google Play

E fundit!

x

Dy lajme gjysmë të mira dhe një i keq

1 Korrik 2022, 12:02, Ekonomi Klodian Tomorri

Dy lajme gjysmë të mira dhe një i keq

1-Më në fund sot ka nisur ndërtimi i një vepre energjetike, e cila është një nga investimet më fitimprurëse për qytetarët shqiptarë. Bëhet fjalë për Parkun Diellor të Karavastasë me kapacitet të instaluar 140 megavat. Parku është investim privat nga një kompani e njohur franceze dhe fillon të prodhojë energji në gjashtëmujorin e dytë të vitit të ardhshëm.

Cili është përfitimi i qytetarëve?

Gjysma e energjisë së prodhuar nga impianti do t'i shitet KESH-it për 15 vjet rresht me çmimin 24.89 euro për mega. Pra, 15 herë më pak sesa çmimi i tregut sot. Bëhet fjalë për një prodhim energjie, i cili do të mbulojë konsumin e 70 mijë familjeve.

2-Lajmi i dytë i mirë është se prej disa ditësh dieseli po shitet nën 1200 dollarë për ton, nga 1300-1400 që është shitur në pjesën më të madhe të muajit. Si do të shkojë në vijim, këtë nuk e dimë. Por ato skenarët me 5 mijë lekë litrin e naftës duken gjepura.

3-Gjysmë lajmi tjetër i mirë është se rritja ekonomike rezistoi mirë në tremujorin e parë. Prodhimi kombëtar u zgjerua me 5.97 për qind vit me vit, që është një rritje relativisht e fortë. Brenda kësaj kemi lajmin e keq. 

4-Gati gjysma e rritjes ekonomike vjen nga ndërtimi. Vetë ndërtimi ka kontribuar me 1.9 pikë përqindje në rritje, ndërsa gati 1 pikë përqindje tjetër vjen nga aktivitetet e pasurive të paluajtshme, domethënë renta e imputuar kryesisht. Me gjasa ekonomia do të fillojë frenim të fortë nga tremujori i dytë, por në këtë pikë skenari i recesionit vjetor duket pa gjasë./CNA.al





Lajmet e fundit nga