LEXO PA REKLAMA!

SHKARKO APP

Nëse Jorida Tabaku mos kishte nevojë të bënte sikur nuk sheh se ç'po ndodh rreth saj

11 Janar 2023, 20:58, Editorial CNA
Nëse Jorida Tabaku mos kishte nevojë të bënte sikur nuk sheh
Jorida Tabaku

Jorida Tabaku kishte ca ditë që nuk kishte shkruar gjë në Facebook.

Femra që sa herë flet e fut në siklet dhe e kap keq Ramën, as nuk ka dëgjuar e as ka lexuar për sa ka stisur Alibeu me firmën e vet dhe me bekimin e ortakut Balla.

Nëse Jorida Tabaku mos kishte nevojë të bënte sikur nuk sheh
Enkelejd Alibeaj dhe Taulant Balla

Ndaj pas arrestimeve të sotme besoi se e gjeti një lëndë për të cilën mund të shprehej si gojëtare e madhe (siç e mbajnë nja 3 deputetë të grupit).

Por si do tingëllonte teksti i Joridës, i vendosur me ndryshime, por si reflektim i asaj që po ndodh në Grupin Parlamentar dhe jo si hartim patetik për zyrtarët që u arrestuan nga Prokuroria?

Nuk ështu shumë e vështirë duke konsideruar "vlerësimin" që Jorida ka për Alibeajn, dhe jo vetëm!

"Një drejtues Grupi Parlamentar gomar është tragjedi, shumë si ne që i shkojnë pas janë thjesht statistikë!

Sot është njoftuar se deputeti i parë i grupit të Vulës, i cili është autoriteti që organizon dhe koordinon Grupin Parlamentar ka abuzuar me firmën duke e përdorur atë për falsifikimin e vullnetit të 41 deputetëve.

Ky person ka pasur në përgjegjësi ekzekutimin e vullnetit të grupit, kryerjen e të gjitha procedurave, pjesëmarrjen në organet drejtuese të Kuvendit në emër dhe për llogari të grupit.

Me pak fjalë, ky është njeriu që mban çelësat e Vulës së Partisë dhe sot është kapur në flagrancë duke përdorur firmën dhe vulën për hallin e vet personal dhe ato çelësa i ka përdorur sipas interesit dhe jo sipas Statutit, ligjit dhe rregullores së Kuvendit.

Nëse Jorida Tabaku mos kishte nevojë të bënte sikur nuk sheh
Enkelejd Alibeaj

Unë nuk pranoj dot më që kjo të quhet arritje, që vendimi individual i njeriut që ka çelësat e vulës, të përkthehet si inventar i numrave të deputetëve të Grupit Parlamentar dhe që çelësat e vulës që mban ai të tunden si trofe sa herë takon ndërkombëtarët, apo sa herë shkon të raportojë tek to.

Dikush duhet të mbajë përgjegjësi, qoftë edhe politike për sa ndodh, pasi nuk është vetëm një drejtues grupi gomar. Ne e dimë që janë më shumë. Shqiptarët e dinë.

Ky sistem i ngritur promovon pazarin me vulën. Ky sistem nxit pazarin me vulën. Ky sistem nuk promovon vlerat e një shoqërie të shëndoshë, meritokracinë dhe tregun! Sistemi që po flasim është ai i deputetëve që sot shihen si modele të lehta suksesi, pasi ekspozojnë vetëm injorancë, megallomani dhe kapadajllëk si stil suksesi. E gjjtha kjo vjen si rezultat i një sistemi vlerash të ndërtuar me kokëposhtë.

Nëse Jorida Tabaku mos kishte nevojë të bënte sikur nuk sheh
Jorida Tabaku

Për ta luftuar duhet një plan dhe mbi të gjitha vullnet politik, një vullnet jo denoncues dhe inkuizitor, por një vullnet që e lufton atë dhe mbi të gjitha i hap rrugë një sistemi vlerash.

Hapi i parë është kthimi i të mirës së partisë në prioritet, pasi nuk janë rastësi kaq shumë gomerë në Parlament dhe madje nuk është as rastësi pse shqiptari largohet.

Pa shkuar këtu, ne do të vazhdojmë të hedhim topin nga një fushë në tjetrën, do të numërojmë ushtarët e gomarit që drejton Grupin Parlamentar si statistikë nën moton e Stalinit: “Një gomar si drejtues grupi është tragjedi, shumë janë thjesht statistikë."/ CNA.al

Lajmet e fundit nga