E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Cilët janë menaxherët e mazhorancës

7 Gusht 2024, 11:58, Editorial CNA

Gjithnjë e më shumë po konfigurohet një grup brenda Partisë Socialiste, që po menaxhon gjithë të tjerët. Shpesh e më shpesh, deputetët po vihen përpara votimit për tema të dyshimta, të detyruar të diskutojnë dhe mbrojnë "kauza" që nuk u përkasin.

Shpesh e më shpesh turra e deputetëve që thirren vetëm për të votuar, nuk kanë asnjë informacion paraprakisht se çfarë do të ketë edhe në agjendën e afërt. Në krye të listës qëndron Fatmir Xhafaj me komisionin e tij të famshëm. (lexo këtu)

Është Xhafaj që vendos kur dhe pse do të mblidhet komisioni. As shumica e anëtarëve të vetë komisionit nuk e dinë çfarë ka në kokë menaxheri Xhafaj, nga vetingu i administratës deri te ndryshimet në gjithë ligjet e institucioneve të pavarura sipas oreksit të menaxhmentit.

Si qëndron e vërteta e Fatmir Xhafajt/ Dokumenti që na e tregon
30 Maj, 10:20
Pse Fatmir Xhafaj filloi luftën e hapur kundër SPAK-ut
13 Maj, 15:07
Traktet anti-amerikane të Fatmir Xhafajt
12 Maj, 18:01

Të pasigurtë nëse do të jenë sërish në lista për deputetë ose edhe të sigurtë që aty nuk do të jenë më, rrinë e vështrojnë e fryjnë sytë ndërsa votojnë. Të pasigurtë për rinovimin e mandatit aktual, besojnë se do të mund të sigurojnë ndonjë karrige nesër kur të mos jenë më deputetë.

Ajo që nuk dinë është se menaxheri Xhafaj ka në plan që t'u bëjë veting pasurie nëse do të kërkojnë të emërohen, për shembull, në ndonjë institucion të pavarur, kur të mos jenë më deputetë. Xhafaj e ka pasion dhe ëndërr kontrollin e pasurisë së të tjerëve. (lexo këtu)

Si menaxher po shfaqet së fundmi edhe Eduard Shalsi. Ky i fundit në çdo tryezë, nuk ndalet së ngrituri në piedestal inteligjencën e liderit Rama, por mos kujtoni se e bën nga dashuria për liderin. Thjeshtë do që të bindë bashkëbiseduesit që çdo temë në vazhdim është konsultuar prej tij me liderin dhe se ai vepron në emër e për llogari të liderit. Dhe pas hyrjes së gjatë me elozhe të dhjamosura për talentin e Ramës në shkatërrimin e kundërshtarëve, hap listën e lobingjeve personale dhe angazhimeve fitimprurëse që ka marrë mbi shpinë. (lexo këtu)

Edi Rama dhe Eduard Shalsi

Kështu ndodhi me seancat e gjata të muhabetit që zhvilloi menaxheri Shalsi gjatë asaj që ai e quante raportim i KLSH-së. (lexo këtu)

Menaxheri Shalsi kërkon protagonizmin sepse do llokmën e përfitimit (sigurisht financiar) në rastin eventual kur Kuvendit do t'i duhet të merret me emërimin e "gjyqtarëve" të Gjykatës së Llogarive që çuditshëm u përcoll në kokën e menaxherëve të mazhorancës, nga koka e Lulzim Bashës. (lexo këtu)

Mos e besoni Shalsin, për shembull, kur "shqetësohet" për imazhin e Bankës së Shqipërisë. Çdo shqetësim i Shalsit konvertohet në "fresh-cash" dhe ai nuk përpiqet që ta veshë bukur me kostum parimor ligjëratën e vet. Fundja edhe nëse do të donte, nuk do ta bënte dot. Ligjërata parimore do një nivel intelekti që Shalsi as nuk e ka e as nuk i është dashur ndonjëherë ta ketë për të mbërritur deri këtu.(lexo këtu)

Zonja Bushka si menaxhere duket e tërhequr kohët e fundit, por kjo mbase vjen për shkak se Plarenti që ajo menaxhonte me fjalimet në seancat e komisionit, kohët e fundit ka ca halle personale në SPAK. Bushka ka mbetur pa e menaxhuar atë.(lexo këtu)

Plarent Ndreca

Ata që shiten se dinë diçka, por nuk e flasin dot se ashtu është puna, janë grupi që i rri rrotull Fatmir Xhafajt me shpresën se do të marrin eksperiencë nga jeta dhe vepra e Fatmirit. Por as ata nuk kanë informacion dhe nëse vlerëson kapacitetin do të kuptosh që edhe nëse do t'u jepej informacioni, nuk do ta përcillnin dot sepse nuk janë të aftë ta kuptojnë atë. Vetëm nëse u jepet i shkruar. Pastaj për ta lexuar e kanë kollaj.

Transferimi i Elisës në kullën e menaxhimit të mazhorancës me siguri do ta turbullojë pak qetësinë e menaxherëve Xhafaj-Shalsi. Minimumi Elisa do të ketë rast t'i tregojë Bankës së Shqipërisë që ekziston edhe ajo dhe që nuk është Shalsi ai që vendos gjërat në fund. (lexo këtu)

Braçja nuk është një nga menaxherët, (u kujdesëm që ta shpjegojmë këtë meqë kemi dëgjuar që na ka marrë me sy të keq)./CNA