web counter
LEXO PA REKLAMA!

SHKARKO APP

App Store
Google Play

E fundit!

x

“Dashnorët” e Veliajt në oborrin e PD-së së Berishës

25 Korrik 2024, 17:27, Editorial CNA
“Dashnorët” e Veliajt në oborrin e PD-së së
Erion Veliaj, kryebashkiaku i Tiranës

Erion Veliaj, kryebashkiaku skandaloz i Tiranës, i akuzuar si pronari faktik i inceneratorit të Tiranës, kreu i organizatës së drejtorëve hajdutë të dosjes “5D”, duket se paska një grup “dashnorësh” në PD. Këta të fundit janë ata të cilët kërkojnë karrige, të marrin poste politike, por përqafohen me lalin, marrin ndonjë ofiq dhe këtë e kanë treguar ditë pas dite nga mospjesëmarrja e tyre vazhdimisht në protestat e opozitës.

Nga një vëzhgim i thjeshtë i bërë nga CNA na rezulton se Ilir Alimehmeti prej 10 apo më shumë protestash nuk duket. Ndoshta afërsia me Nikollë Lesin ka bërë që ta dojë ndopak lalin, njeriu i cili donte të kandidonte për Bashkinë e Tiranës, doktori nuk është në protestë. Si mundet?

“Dashnorët” e Veliajt në oborrin e PD-së së
Ilir Alimehmeti

PD ka anëtar kryesie. Shumica e tyre e kryesisë qendrore nuk është në protestë. Përjashto Flamur Nokën, ndonjëherë Gaz Bardhin dhe ndonjë deputet tjetër. Shumica e kryesisë së PD-së nuk është në protestë kundër Erion Veliajt.

Në protestën kundër kryebashkiakut, kreut të organizatës së “5D”-së, i cili është kapur me dokumente, me fakte konkrete dhe është e vërtetuar politikisht që këta drejtorë që merrnin këto para kanë shërbyer si drejtues të fushatës. Janë blerë vota. 

Nuk akuzohen thjesht dhe vetëm nga SPAK-u, por duhet të kenë dhe akuzën politike edhe ndaj kryetarit të bashkisë, duhet të kenë denoncime mediatike, por në protestë nuk shkon Ervin Salianji, nuk shkojnë anëtarët e kryesisë së PD-së, nuk shkon sekretariati, përjashto Klevis Balliun, Flamur Nokën, Dorian Telitin apo Adriana Kalanë që janë në çdo protestë, a ndonjë tjetër një herë po e një herë jo, shumica e drejtuesve politikë e deputetëve të Tiranës apo qendrës mungojnë. Nuk janë kundër Lalit por kundër Ramës, nuk janë kundër zdromsit po vetëm kundër piktorit

“Dashnorët” e Veliajt në oborrin e PD-së së
Klevis Balliu

Nuk shkon në protestë Këshilli Kombëtar i PD-së të paktën ata që banojnë në Tiranë.

Mungojnë në protestë kundër Erion Veliajt, mungojnë shumica e kryetarëve të degëve, mungojnë shumica e anëtarëve të kryesisë së këtyre degëve të kryeqyetit, të cilët një herë në javë nuk gjejnë dot 30 minuta apo një orë kohë të shkojnë të protestojnë kundër kryebashkiakut të Tiranës, kundër kryetarit të organizatës “5D”, kundër njeriut të inceneratorëve, kundër aferave dhjetëra apo qindra miliona euro të denoncuara nga opozita.

Struktura e saj është minimaliste në protestë

Megjithëse po mbahet ndezur protesta. Po denoncohet ditë pas dite, përtej intrigave apo sabotimeve, shumica e një piramide drejtuese të opozitës ka “dashnorët” e saj të Erion Veliajt, të cilët bëjnë guli-guli me kryetarin e bashkisë.

Shkojnë dhe marrin përfitime, bëjnë një qokë këtu, një punësim atje, se e kanë braktisur kauzën.

Nuk duhet të mungonin anëtarët e Kryesisë, anëtarët e Këshillit Kombëtar, Sekretariati, drejtuesit lokalë kryesorë, kryesitë e degëve dhe në rast se këta njerëz nuk qëndrojnë në një protestë një herë në javë, një orë, para bashkisë, për çfarë janë?

Si mund t’i fitosh zgjedhjet? Ekziston apo nuk ekziston struktura e PD-së, pasi për Erion Veliajn duket se janë jashtë skeme, janë jashtë skenës politike.

Për Erion Veliajn janë thjesht dhe vetëm “dashnorët” e tij, pasi mungojnë të jenë përballë ndoshta edhe të përplasen, nuk ka nevojë, por prezenca, dhe kur në prezencë mungon struktura e partisë, lind pyetja, çfarë pune bën kjo strukturë dhe çfarë pune do të bëjë në zgjedhje?

A mund të fitohen zgjedhjet me këta njerëz që nuk gjejnë 30 minuta kohë apo 1 orë një herë në javë të protestojnë te Bashkia e Tiranës? Përtej atyre që nuk duan të protestojnë apo të jenë pjesë poshtë ballkonit, po as në kauzë politike dhe protestë qytetare? Mos vallë presin të vijnë nga Shkodra, nga Korça, nga Vlora, nga Kukësi?

Ç’kuptim do të kishte kjo? Ku janë demokratët e Tiranës? Ku janë qytetarët? Ku janë protestuesit? Ku është struktura e Partisë Demokratike të Shqipërisë në kryeqytet?

A mundet dot Belind Këlliçi, 5 deputetë dhe një pjesë strukture të mbajnë ndezur një protestë dhe një kauzë korrupsioni, hajdutërie, ndërkohë që pjesa tjetër pretendojnë të vijnë në pushtet, fillojnë zgjedhjet, të kenë dhe ofiqe, por në protestë nuk dalin se nuk kanë kohë?

Në fakt kjo është e dyshimtë. Ju mungon koha apo duan shumë lali Erin?/ CNA





Lajmet e fundit nga