E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Shalsi kërkon të shkelë ligjin me të dyja këmbët

23 Korrik 2024, 13:43, Politikë CNA

Shalsi kërkon të shkelë ligjin me të dyja këmbët

Eduard Shalsi

Në mbledhjen e sotme të Komisionit të Ekonomisë pati debate, pasi nga KLSH është kërkuar të shkarkohet Drejtoresha e Përgjithshme e Buxhetit, Mimoza Dhëmbi.

Sipas KLSH-së, Dhëmbi ka bërë keq klasifikimin e investimeve, ka pasur probleme me fondet për rindërtimin, shkelje me ndarjen e buxheteve, si dhe ka mungesë monitorimi për detyrimet e prapambetura pasi nuk është raportuar vlera e saktë.

Në lidhje me këtë raport Eduard Shalsi ftoi në Komisionin e Ekonomisë, Dhëmbin për të bërë një ballafaqim të saj me KLSH-në.

"KLSH ka dhënë përgjigje shumë më të zgjeruara nga çfarë duhet të jepte, pse jeni trembur dhe shqetësuar. Po ju duket çudi që po raporton në Kuvend, në të drejtën e vet që ia njeh ligji dhe Kushtetuta. Nuk ka nevojë KLSH-ja për avokaturë. Po pyesim drejtoreshën e buxhetit dhe KLSH-në. Ftojeni pak drejtoreshën e buxhetit. E kemi kërkuar sepse Moza Dhëmbi nuk është person dosido. Ndaj e kemi ftuar në komision. Në dijeninë tonë nuk ka precedent të tillë për një punonjëse me një formulim të tillë", tha Shalsi.

Por kjo kërkesë e Shalsit është kundërshtuar nga opozita, pasi sipas deputetëve po shkelet rregullorja, sepse nuk mund të raportojë një nëpunës në Komisionin e Ekonomisë sepse nuk parashikohet në ligj.

"Pse nuk fton ata të inceneratorit, të Check Up?", u shpreh Xhelal Mziu.

Ndërsa Shalsi u përgjigj se edhe zyrtarët e përfshirë në këto çështje mund të ftohen pa asnjë problem.

Në këtë moment ndërhyri edhe Dashamir Shehi.

"Zonja Dhëmbi është nëpunëse shumë e mirë dhe drejtoresha e vjetër, por nuk është ajo objekt i këtij komisioni. Do të krijojmë një precedent që nuk ka lidhje me këtë punë. Nuk kemi tagër jo ligjor, por as moral", u shpreh ai.

Mesa duket Eduard Shalsi do të marrë rolin e hetuesit dhe të thërrasë punonjës së administratës për të dhënë llogari në Komisionin e Ekonomisë.

Por duhet t'i sqarojmë se ai drejton vetëm një komision parlamentar dhe nuk është pjesë e ndonjë organi hetimor apo gjykate./CNA