web counter
LEXO PA REKLAMA!

SHKARKO APP

App Store
Google Play

E fundit!

x

Fatmir Xhafaj braktiset nga të gjithë, bën rolin e papagallit

26 Korrik 2024, 09:28, Politikë CNA
Fatmir Xhafaj braktiset nga të gjithë, bën rolin e papagallit
Mbledhja në Komisionin e Posaçëm Parlamentar

Fatmir Xhafaj ka ngelur i vetëm dhe në fakt është braktisur nga të gjithë në tentativën e tij për të krijuar një komision, të kamufluar me reformën institucionale drejt integrimit, për të thirrur në Apel institucionet e pavarura, kryesisht SPAK-un.

Edhe në mbledhjen e sotme të Komisionit të Posaçëm Parlamentar, Fatmir Xhafaj shfaqet i vetëm, e ndjekin nga pas vetëm 7 deputetë të PS-së. 

Sërish sot është bojkotuar nga opozita dhe ndërkombëtarët. Këta të fundit kanë mbajtur një qëndrim shumë të qartë në lidhje me këtë komision, ku kanë kërkuar përfshirjen e opozitës. 

Mesa duket paqartësia publike dhe mosdhënia e një mesazhi të saktë se cila do të jetë puna e plotë e këtij komisioni, cila është rruga që do të ndjekin, kë do të thërrasë dhe çfarë llogarie do të kërkojë, kanë bërë që opozita ta braktisë, gjithashtu të vendosen në alarm edhe ndërkombëtarët. 

Siç duket qartazi edhe sot, Xhafaj vazhdon mbledhjet e komisionit dhe bën rolin e një papagalli duke kënaqur vetëm veten e tij dhe duke ëndërruar se mund të kontrollojë institucionet e drejtësisë.

Ai thotë të njëjtat fjali në çdo mbledhje komisioni. Nuk bën asgjë më shumë se kaq. 

Theksojmë se parlamenti e ka një komision parlamentar për integrimin që drejtohet nga opozita dhe nuk ka pse të jetë një komision i posaçëm i drejtuar nga një ish-enverist që t’i japë përgjigje Evropës për punën e institucioneve të pavarura në Shqipëri./ CNA

 

 





Lajmet e fundit nga