web counter
LEXO PA REKLAMA!

SHKARKO APP

App Store
Google Play

Listat e deputetëve/ Bylykbashi zbulon detaje

25 Korrik 2024, 14:45, Politikë CNA
Listat e deputetëve/ Bylykbashi zbulon detaje
Nënkryetari i PD-së, Oerd Bylykbashi

Nënkryetari i PD-së, Oerd Bylykbashi, shpjegoi gjatë një konference për shtyp çështjen e listave të mbyllura në dakordësinë e arritur me mazhorancën për Reformën Zgjedhore.

Bylykbashi tha se opozita nuk pranoi propozimin e PS-së, por bëri kompromis dhe arriti të mbrojë kuotën gjinore apo të sjellë figura të reja në Parlament.

Sipas tij, në listën e një partie në Tiranë, 12 mandate do të jenë në listën e mbyllur dhe 36 mandate në listën e hapur.

“Për herësin, PS paraqiti një propozim duke ulur herësin nga 10 mijë në 7 mijë. Ky ishte një ndryshim që nuk trajtonte vendimin e GJK-së, për këtë arsye ne e refuzuam. Me herësin 10 mijë ishin 3 kandidatë që ta thyenin atë herës. Vetëm 3. Me uljen në 7 mijë atyre do t’u shtohen dhe tre të tjerë. Pra do ishin 6 deputetë të zgjedhur nga vota parapëlqyese. Qartazi e pamjaftueshme dhe e papranueshme për opozitën. Bazuar edhe në propozimet e partive të vogla, të cilët propozonin zgjidhje në formulën kushtetuese ku 1/3 mund të mbyllet dhe 2/3 të ishin të hapura kërkuam një zgjidhje në këtë hapësirë kushtetuese. Ajo që arritëm dhe u miratua dje, pavarësisht se nuk i korrespondon kërkesës sonë është kjo formulë e miratuar në Komisionin e Ligjeve. Kompromisi për këtë zgjidhje u bazua për shkak të nevojës për të garantuar në pjesën e mbyllur në mënyrën efektive kuotën gjinore. Kjo pa prekur mekanizmin ekzistues që vakancat që krijohen gjatë mandatit të Kuvendit, kur nuk është arritur kuota e kërkesës gjinore, do të zëvendësohet nga gjinia e nënpërfaqësuar. Pra ajo që kemi arritur si zgjidhje është e tillë që ka bërë bashkë detyrimin kushtetues për përfaqësimin gjinor, detyrimin kushtetues për të hapur jo më pak se 2/3 listën. Kjo është kushtetuta dhe një pjesë që do jetë kjo pjesa që në kuadrin e debatit dhe kërkesës për konsensus arritëm në këtë. Ajo që dua të them është që për qartësinë e publikut mbyllja efektive, lista që është e garantuar ku partitë kanë mundësinë të mbrojnë kuotën gjinore apo të sjellin figura të reja mundësohen që të jenë në Parlament. Kjo kuotë është 25%, ose ¼. Shembulli është i thjeshtë, lista e një subjekti zgjedhor në Tiranë që ka 36 mandate do jetë: 12 mandate në listën e mbyllur dhe 36 mandate në listën e hapur, pra totali i listës së partisë është 48 mandate. Kjo do të thotë që 12 mandate të sigurt janë ¼ e listës”, tha Bylykbashi./ CNA





Lajmet e fundit nga