LEXO PA REKLAMA!

SHKARKO APP

App Store
Google Play

E fundit!

x

Skandali/ Shqipëria bleu inceneratorin e çmontuar në Rumani me lekët e iranianëve, qeveria e Zimbabvesë e refuzoi

31 Mars 2023, 22:52, Denoncim CNA

Skandali/ Shqipëria bleu inceneratorin e çmontuar në Rumani me

Një skandal ka dalë në dritë nga dëshmia e një shtetasi italian, të përfshirë në çështjen e inceneratorëve.

Gabriele Tarroni Longinotti është ish-ortaku i Alberto Presezzit, ky i fundit ortak në kompaninë e inceneratorit të Tiranës, si dhe administrator dhe pronar i Shoqërisë "Bruno Presezzi".

Longinotti ka dëshmuar se Presezzi ka blerë në në qytetin e Kostancës në Rumani një incinerator gjysmë automatik të dorës së dytë.

Sipas dëshmisë së italianit për emisionin “Piranjat”, Rumania kishte kërkuar ta çmontonte këtë incenerator pasi i shkaktonte shumë shpenzime.

“Kompania italiane, ka blerë një incenerator gjysëm automatik, në qytetin e Kostancës në Rumani. Në dorë të dytë. U kontaktuan nga bashkia e Konstancës për të shkrirë një incenerator të përdorur gjysmëautomatik. Të cilin qyteti rumun e kishte instaluar, por ishin më shumë shpenzime se sa fitime. Prandaj u çmontua, dhe kompania italiane u pagua nga bashkia e Konstancës me 75 mijë euro… pra, i kanë paguar për të çmontuar”, është shprehur ai.

Pas riparimit, shtetasi italian pretendon se Presezzi tentoi ta shiste inceneratorin në Zimbabve, por qeveria e Zimbabvesë e kuptoi se diçka nuk shkonte dhe refuzoi ta blejë.

Ai theksoi se pikërisht në këtë moment hyn në lojë Shqipëria, e cila u interesua për të blerë inceneratorin.

"Çfarë ndodh? Në mënyrë të habitshme, ky incenerator, që edhe në Afrikë u refuzua, dhe për më tepër ishte bërë një padi ndërkombëtare ndaj këtyre personave, u ble për qindra miliona euro nga qeveria shqiptare. Dhe pastaj, personi që kam njohur dhe i kam folur dy herë, është kryetari i bashkisë Tiranë, ky djalë i ri që shfaqet shpesh në televizion, dhe me të cilin kam folur personalisht, jemi përshëndetur", deklaroi ai.

Sipas Gabriele Tarroni Longinottit, në këtë proces është përfshirë kryebashkiaku Veliaj.

"Ishte Erjon Veliaj, kryetari i Tiranës, dhe kishte marrë pjesë në blerjen e këtij inceneratori mbeturinë, që nuk dinim kujt t’ia jepnim, dhe të gjithë në kompani ishin të kënaqur, që erdhën këta të gjithë së bashku, ia hodhëm dhe iu shitëm diçka që ishte e pashitshme. Nëse një vidë kushton një cent, dhe unë e shes gjashtë euro, askush në botë nuk mund ta konstestojë. Pse? Nëse unë të gjej ty që je gjysëmbudalla dhe të shes një gjë që kushton një cent dhe ta shes dhjetë, në një shtet si Shqipëria ku gjithçka është e mundur, sepse jetoni në një vend me korrupsion absolut. Në çdo vend të botës, Itali, Zvicër, etj, madje edhe në Zimbabve do të ishte i pamundur. Por në Shqipëri mund të bëhet", nënvizoi më tej Gabriele Tarroni Longinotti?.

Ai pretendoi se kanë qenë iranianët të cilët financuan tek inceneratorët.

“Skandali i vërtetë është ai mes Iranit dhe Shqipërisë. Sepse skandali i vërtetë është se Shqipëria thotë se është nën sulm të hackerave iranianë. Por nga ajo që di unë, Shqipëria ishte shumë e lumtur që është financuar për këtë çështjen e inceneratorëve nga iranianët. Unë mund të të jap emrin, mbiemrin dhe kompanitë e kreut të Pasdaran, që quhet Ali Aliabadi. Ai është personi që ka dhënë lekët për të blerë inceneratorin. Blerjen për këta qindra milionë, në favor të kompanisë “Bruno Presezzi”, deklaroi Gabriele Tarroni Longinotti./ CNA.al

Lajmet e fundit nga