LEXO PA REKLAMA!

SHKARKO APP

Boçi denoncon krimin mjedisor në Elbasan/ "Po vret në heshtje jetët tona"

26 Mars 2023, 16:09, Denoncim CNA

Boçi denoncon krimin mjedisor në Elbasan/ "Po vret në

Kandidati i Partisë Demokratike për Bashkinë e Elbasanit, Luçiano Boçi, ka denoncuar papastërtitë e mjedisit në këtë qytet.

Me anë të një postimi në rrjetet sociale, Boçi shprehet se krimi mjedisor në këtë qytet ka vrarë në heshtje prej 5 dekadash ekonominë, jetët e banorëve dhe ëndrrat e tyre.

Ai thekson se pastërtia e mjedisit do të jetë parim për projektin e tyre në Elbasan.

"Mjedisi është përparësia absolute e jona; ai është shëndeti i fëmijëve tanë dhe aftësia jonë e mbrojtur për t’u trashëguar si qytetërim.

Pyeteni veten: sa të njohur tuajt u vranë nga kanceri? Sa miq e shokë falë uzinës së kobaltit nuk patën dot fëmijë? Sa shpesh keni dëgjuar për sëmundjet profesionale të Metalurgjisë?

Krimi mjedisor që konsumohet në Elbasan prej mëse 5 dekadash ka vrarë dhe vret në heshtje jetët tona, fuqitë ekonomike, planet tona për zhvillim, ëndrrat tona. Kjo ndjesi largon fëmijët, dëshpëron mendjet e shkolluara dhe ashpërson gjithë mjedisin shoqëror të mbetur pa shpresë.

Rikthimi i Mjedisit në përparësinë tonë me të lartë është alfa dhe omega e projektit tonë për Elbasanin. Na duhet të rigjejmë fuqinë për të rikthyer në norma të pranueshme ajrin dhe ujin, tokën dhe rrënjët e qytetërimit tonë. Vetëm bashkë - mundemi.", shkruan Boçi./CNA

Boçi denoncon krimin mjedisor në Elbasan/ "Po vret në

Lajmet e fundit nga