web counter
LEXO PA REKLAMA!

SHKARKO APP

App Store
Google Play

E fundit!

x

CNA e paralajmëroi/ Mero Baze rifillon sulmin ndaj SPAK-ut përpara gjyqit të Veliajt

23 Maj 2025, 11:11, Denoncim CNA

CNA e paralajmëroi/ Mero Baze rifillon sulmin ndaj SPAK-ut përpara

Dje në mesditë CNA publikoi një lajm në lidhje me sulmet që do të fillonin mediat e Erion Veliajt dhe vetë propagandës së pushtetit apo servilët e kryebashkiakut që ndodhet në burgun e Durrësit ndaj SPAK-ut.

Një paralajmërim që ne e dhamë pasi lexuam një shkrim të një këshilltari të Tony Blair, një Latifi socialist, këtë radhë, siç i quan kryeministri Edi Rama, i cili kishte thënë se nuk ka akuzë ndaj Erion Veliajt dhe mbahet padrejtësisht në burg.

Në fakt edhe ne këtë pyetje shtruam: Si ka mundësi që qëndroi doktori në ballkon pa akuzë? Apo si Ilir Meta qëndron në burg? Apo si qëndrojnë të tjerë kryebashkiakë, të cilët nuk janë me akuza korrupsioni, por me shpërdorime detyre. Se Erioni ka një mal me akuza tashmë.

SKEMA DEL ZBULUAR

Menjëherë pas publikimit të atij materiali të porositur, nxjerrë nga Mero Baze, në mbrëmje erdhi editoriali i këtij të fundit. Fiks siç ne e paralajmëruam. Tani skemat janë mjaft të lexueshme, nuk kanë më asnjë të panjohur.

Në një editorial, zoti Çorape (nofkë që ia kanë vendosur miqtë, Ymer Çorapja) sqaronte se SPAK nuk ka sekuestruar ndonjë pronë të Erion Veliajt dje pasdite, se ai apartament nuk ishte i Veliajt dhe qartazi dukej se shkrimi ishte porosi e dalë nga burgu i Durrësit.

Në fakt të gjithë te “Kodra e Diellit”, përfshi dhe Mero Bazen, e dinë se ai apartament në katin e tretë të dupleksit ku jeton Erion Veliaj përdorej nga kryebashkiaku. Është nxjerrë jashtë Gaz Paja që të ishte rehat Erioni, është bërë më pas e gjithë godina me ashensor etj.

CNA e ka raportuar dhe me fotot dhe formalisht është bërë një kontratë qiraje më pas me persona të tjerë, për të gjetur justifikimin, por e gjitha ndodhi pasi plasi “bomba” se SPAK kishte filluar po hetonte dhe po investigonte.

Mero Baze në editorialin e tij, kuptohet thjesht dhe vetëm vazhdon mllefin dhe detyrat e dhëna nga burgu i Durrësit për të sulmuar SPAK-un dhe prokurorët, për t’u dhënë kurajë miqve të tij gjyqtarë në Gjykatën e Lartë, siç është Sokol Sadushi me shpresën dhe skenarët që Veliaj të nxirret nga kjo gjykatë. (LEXO KETU)

Mero gjithçka që heton SPAK për Veliajn e quan linçim, ato që bëjnë për të tjerët si Berisha e Meta janë punë të mira.  

“Këmbëngulja për të vazhduar linçimin e Veliajt duke shtuar në dosjen e tij akuza të tilla dhe duke regjistruar vepra të reja penale imagjinare, meriton notën 10 për SPAK-un në propagandën për mashtrimin e opinionit publik, por e turpëron SPAK-un profesionalisht. Me këtë stil, SPAK mund të vazhdojë të shtojë çdo muaj nga një vepër në regjistrin penal për Veliajn dhe mund ta mbajë gjithë jetën brenda pa ngritur ndonjë akuzë. Por kjo nuk është drejtësi. Kështu ridënoheshin ‘armiqtë e popullit dhe partisë’ në Spaç duke ua çuar akuzën për ridënim në qeli. Por kemi rënë dakord që ajo ishte gjenocid dhe jo drejtësi”.

Këto fjali shkruan Mero Baze. Nuk i quan drejtësi, por gjenocid hetimet e zhvilluara nga SPAK-u. Pra në rast se prokurorët ecin me hetimet, shtojnë akuzat, gjejnë fakte dhe prova të reja, për Mero Bazen nuk është hetim i thelluar dhe drejtësi e vërtetë që më pas duhet të jepet në gjykatë, nuk janë fakte dhe prova që tregojnë korrupsionin.

Nuk janë fakte dhe prova që tregojnë se Erion Veliaj ka vënë pasuri marramendëse që mund ta ketë fshehur në emër të të tjerëve, në apartamente që i ka mbajtur vetë kompania. Por është gjenocid.

Ku është gjenocidi?

Në cilën pikë? Në pikën që prokurorët Altin Dumani dhe Ols Dado kanë bërë detyrën, kanë marrë në pyetje njerëz për të vërtetuar një apartament tjetër që Erion Veliaj nuk e ka në emër të tij? Ku është gjenocidi?

Drejtësinë do ta japë gjykata, por për këta ka një hall se çfarë titujsh kanë bërë portalet, se çfarë njoftimi ka bërë SPAK-u, sepse po u bie propaganda e tyre. Mendojnë që këta shkruajnë, këta vendosin, këta janë mbi të gjithë. Në fakt këta janë disa bashkëpunëtorë hajdutësh që po pasurohen dita-ditës dukë u ulur poshtë tavolinës së Veliajt apo Ramës.

Mero Bazes po i bie strategjia që të godasë SPAK-un, duke nxjerrë personazhe të huaj, një këshilltar të Tony Blair, një Latif tjetër nga Amerika, do dalin ca ish-ë apo kryetarë bashkie, do shkruajë Mero, do shkruajë Carlo e të gjithë me radhë, do sulmojnë prokurorët dhe gjyqtarët nga e para, do t’u japin kurajë atyre të Gjykatës së Lartë me shpresën që të nxjerrin Erion Veliajn nga burgu, i cili ka një tufë me akuza për korrupsion, pastrim të produkteve të veprave penale, shpërdorim detyre etj.

SPAK-u duhet t’i çojë deri në fund hetimet ndaj Veliajt pa u stepur dhe sa më shpejt t’i japë akuzën kryebashkiakut të Tiranës se kështu do të bjerë rehat edhe Mero, do të bie rehat edhe ai që ndodhet në burg.

Do të nisë procesi gjyqësor atje ku do të çmontohet edhe banda mediatike (siç dhe u çmontua nga përgjimet) dhe shqiptarët do të mund të marrin me fakte, prova dhe dokumente të cilat janë të papublikuara që do të tregojnë kush është ai që ndodhet në burgun e Durrësit dhe maskarenjtë mediatikë dhe politikë që po vijnë vërdallë me shpresën që të ushtrojnë presion për ta nxjerrë nga burgu në Gjykatën e Lartë./ CNA

 





Lajmet e fundit nga