E fundit!

19:33 Politikë

E hënë intensive për Kuvendin/ Zbardhet rendi i ditës për seancën plenare

Kuvendi i Shqipërisë do të mblidhet nesër në seancë plenar...

Mero Baze nxjerr zbuluar Erion Veliajn

24 Shkurt 2025, 21:00, Politikë CNA

Mero Baze ka publikuar audion e seancës gjyqësore ndërkohë që ka dalë dhe dokumenti i zbardhur. Në asnjë sekondë nuk dëgjohet që Ols Dado të thotë ndyrësirë dhe në asnjë sekondë nuk ka asnjë fyerje nga ana e prokurorit.

Dokumenti e zbardh qartë, dhe audio e zbardh qartë.

Duan që të krijojnë “furtunë në gotë”, në fakt thjesht dhe vetëm po zbardhin një të vërtetë të madhe, për të mbrojtur një të korruptuar dhe për të sulmuar prokurorët dhe gjyqtarët. Vendimi është i qartë.

Gjatë ditës së sotme kryebashkiaku i arrestuar për korrupsion, Erion Veliaj publikoi një dialog, për të cilin pretendonte se ishte zhvilluar mes tij Dados dhe Banit në seancën e 12 shkurtit. Kryebashkiaku pretendon se Ols Dado i është drejtuar me fjalën “ndyrësirë”.

Gënjeshtër, e cila nuk i zgjati shumë kryebashkiakut të korruptuar. Disa orë më pas Gjykata e Posaçme publikoi një reagim zyrtar në të cilin thuhej se në audion e seancës nuk rezulton që prokurori Dado ta ketë përdorur fjalën “ndyrësirë”.

GJKKO nxjerr zbuluar gënjeshtrën e Veliajt: Mesazhet nuk janë të vërteta
24 Shkurt, 14:50

“Nisur nga interesimi i lartë dhe i vazhdueshëm nga ana juaj, duke paraqitur dhe kërkesa për informacion, në bazë të ligjit Nr. 119/2014 “Për të drejtën e informimit”, i ndryshuar, në lidhje me vërtetësinë e pjesës së procesverbalit të seancës gjyqësore, të dates 12.02.2025, të publikuar ditën e sotme nga personi nën hetim Erion Veliaj, në rrjetin e tij social në “Facebook”, ju bëjmë me dije se nuk është i vërtetë.

Nga verifikimi i bërë në sistemin audio, të seancës gjyqësore për marrjen në pyetje të personave nën hetim Erion Veliaj, etj., të datës 12.02.2025, konkretisht intervali kohor 6:34:02 PM – 6:34:57 PM (të cilit i referohet i hetuari Erion Veliaj në postimin e tij) si dhe nga procesverbali i seancës gjyqësore, nuk rezulton që të jetë përdorur fjala “ndyrësirë” nga ana e prokurorit Ols Dado në asnjë moment”, thuhet në reagimin e GJKKO./ CNA