Mero Baze, si ushtar burgu i Veliajt

Në një shkrim të rrëmujshëm dhe të lodhshëm, siç po i ndodh shpesh e më shpesh, Mero Baze rishfaqet i dashuruar me Ilir Metën, zbaton porositë që vijnë nga qelitë e Durrësit dhe bën thirrje për sulme ndaj prokurorëve, jo me dhunë si në shkrimet e tij, por me kallëzime. (LEXO KETU)

Në porosinë që i vjen nga Erion Veliaj për të vazhduar presionin ndaj prokurorëve, pasi shpejt do të vijë Gjykata e Lartë, ku drejtues është miku i Mero Bazes, Sokol Sadushi, jepen të dhëna statistikore për ngjarje të ndryshme dhe kërkohet të theksohet se burgosja nuk duhet të ndodhë në Shqipëri. (LEXO KETU)

Kuptohet halli është Veliaj, por si argument sillet edhe Ilir Meta.

“Pjesa tjetër endet gjithë jetën duke kërkuar t’u vihet në vend padrejtësia e bërë nga drejtësia, por nuk gjejnë më zgjidhje. Ata janë pjesë e statistikave të ‘drejtësisë’ që ka mbushur burgjet.

Ilir Meta mund të mos merrej seriozisht pa hyrë në burg për shkak të lajthitjeve të tij, por ajo që thotë – se në burg ka takuar njerëz shumë më dinjitozë se ata që janë jashtë – ka një të vërtetë.

Dhe kjo lidhet pikërisht me njerëzit e thjeshtë të paraburgosur pa pikë mëshire, në raport me veprën e tyre ende të paformuluar penalisht”.

Pasi i jep të drejtë Metës që s’ka asnjë ngjashmëri me hallin e Meros që është Veliaj më tej gazetari i keqpërdorur nga qelitë e Durrësit thekson se:

“Nëse në Shqipëri ka ndjeshmëri kur arrestohen politikanë paraprakisht, nëse shoqërisë i bën përshtypje urrejtja patologjike e disa prokurorëve ndaj Veliajt, apo arrestimi paraprak i Ilir Metës ende pa iu ngritur akuza penale – për qindra shqiptarë të pafajshëm, të pafuqishëm dhe të pazë, që enden burgjeve – drejtësia është përgjegjëse për paraburgimin e tyre për vepra thuajse banale, të cilat mund të ndiqen në gjendje të lirë pa shkaktuar shkatërrime jetësh”.

Rasti "Veliaj" dhe rasti "Meta"

Në fakt, të dyja rastet ndryshojnë shumë nga njëri-tjetri.

Mero Baze e di mirë që Erion Veliaj është në burg tashmë me 3 akuza nga 2 që kishte në fillim. Është në burg me vendim gjykate të trefishtë, ku përcaktohet korrupsioni në 9 raste. Gjithashtu bashkëpunëtorët e Veliajt po prishnin provat dhe kjo me zë dhe figurë, veprën penale po e kryente pikërisht Klotilda Bushka, kryetarja e Komisionit të Ligjeve, mike dhe bashkëpunëtore e Ajola Xoxës dhe Erion Veliajt. Pra, tjetër Meta dhe tjetër Veliaj.

I pari lajthiti siç e ka qejf dhe Mero dhe është në burg me vendim gjykate, se s’të futin dot prokurorët pas hekurave. Ndërsa i dyti po prishte provat, për më tepër qëndronte në krye të institucionit ku ishte kryer korrupsioni.

Në fund Mero kujdeset që të bëjë thirrje që të paditen prokurorët dhe gjyqtarët të cilët i arrestojnë njerëzit për qejf.

“Kam frikë se nëse i hyjmë ndonjë studimi të thelluar dhe të kërkojmë dëmshpërblim për të gjithë ata që paraburgosen kot, rrezikon që drejtësia t’i ketë “vjedhur” më shumë lekë shtetit se “hajdutët” e akuzuar për korrupsion.

Por për fatin e keq të tyre – dhe fatin e mirë të shtetit – jo të gjithë e dinë që duhet të padisin prokurorët dhe gjyqtarët që i arrestojnë për qejf, këdo që u teket”.

Në fakt nuk të arreston dot kush për qejf se ka KLP, ka KLGJ, institucione që i kontrollon mazhoranca në pushtet.

Ka ILD e kështu me radhë. Institucione që monitorojnë punën e prokurorëve dhe gjyqtarëve. Siç ka dhe Gjykatë të Lartë ku qëndron miku i Mero Bazes, famozi Sokol Sadushi, i cili me shall në qafë dhe pa kaluar në veting do të gjykojnë Erion Veliajn dhe prokurorët që kanë kaluar në vetingun e socialistëve./ CNA

19:38 Plaku Mere CNA

MOS, Mero Baze qan Veliajn/ Na e arrestoi SPAK-u me urdhër të Saliut

  Analisti i oborrit të Rilindjes, i dalë nga çeta e Saliut...