E fundit!

19:33 Politikë

E hënë intensive për Kuvendin/ Zbardhet rendi i ditës për seancën plenare

Kuvendi i Shqipërisë do të mblidhet nesër në seancë plenar...

Mero Baze, gazetari që qelb erë, pjesa e tretë/ Nga apartamentet e zyrat te hoteli në Ksamil

Indro Montanelli: “Një gazetar i pasur është një gazetar që qelb erë sepse ka shfrytëzuar zanatin për të arritur qëllime të tjera”

14 Prill 2025, 13:36, Plaku Mere CNA

Mero Baze, gazetari që qelb erë, pjesa e tretë/ Nga apartamentet

“Një gazetar i pasur është një gazetar që qelb erë”, fiks këtë ka thënë Indro Montanelli.

Një gazetar i pasur është edhe Mero Baze, është vërtetë një gazetar që qelb erë.

CNA ka sjellë investigime dhe detaje nga pasuritë e çmendura të Mero Bazes.

Gjithashtu zbuloi një skandal ku një ndërtues, një objekt, ishte sulmuar dhe më pas atje ishte strehuar Mero Baze, ku kishte marrë një apartament në emër të djalit të tij, Regon Baze, gjithashtu dhe një garazh, vlera e të cilave shkonte te 100 mijë euro, kur çmimet e tregut në atë zonë që është më e shtrenjta në kryeqytet për të tilla sipërfaqe do të duhej të ishte trefish apo dhe më shumë.

Mero Baze qelbet erë/ Pjesa e parë
12 Prill, 16:26

Pse është marrë aq lirë?

E thjeshtë. Mero Baze ka sulmuar dhe më pas ka lindur apartamenti me çmim të ulët.

Këtë apartament Mero Baze e kishte vendosur në emër të djalit të tij, por atje ushtron aktivitetin edhe gazeta “Tema” e Mero Bazes.

Të dhënat në QKB

Mero Baze qelbet erë/ Pjesa e dytë
13 Prill, 12:36

Atje ushtrojnë aktivitetin edhe kompanitë e djalit të tij, kryesisht kompani marketingu, por që rrugës “pjellin” dhe hotele.

HOTELI LUKSOZ NË KSAMIL

Me një sipërfaqe të konsiderueshme toke në Ksamil, Regon Baze, djali i Mero Bazes, i cili ka fituar apartamentin me skemën e sulmit nga babai i tij dhe që ka hapur një zinxhir kompanish, 4, dy të mbyllura dhe dy aktivitete aktive, të cilat kryesisht ushtrojnë aktivitete në fushën e marketingut apo dhe në fushën e shitblerjeve të pronave, ka mundur të sigurojë kaq të ardhura të konsiderueshme sa të blejë një sipërfaqe të madhe trualli me një çmim qesharak në Ksamil, në hyrje të njërës nga perlave të turizmit shqiptar dhe atje të ndërtojë një hotel.

Shumë shpejt kanë ndodhur gjërat, hapjet e kompanive, marrja e apartamentit, një tjetër apartament me vlerë 200 mijë euro i Mero Bazes dhe menjëherë fillon ndërtohet një hotel, i cili në total ka një kredi rreth 210 milionë lekë të vjetër dhe investimi afërsisht deklarohet diku te rreth 400-500 mijë euro.

Hoteli në Ksamil është në emër të djalit të Mero Bazes, Regon Baze me nipt M11930015J.

Sipas të dhënave ky objekt është regjistruar në datën 30 Korrik të vitit 2021.

Mero Baze, gazetari që qelb erë, pjesa e tretë/ Nga apartamentet

Të dhënat për hotelin në Ksamil

Ashtu siç mund ta shihni dhe nga fotot më poshtë, hoteli në Ksamil i djalit të Mero Bazes, Regon Baze, ka pishinë në tarracë.

Foto nga hoteli "Porta" Ksamil

Hoteli ka plazh privat, siç e raporton dhe vetë, ka dhjetëra dhoma, është një hotel luksoz, i cili deklarohet se ka kushtuar sa vlera e një apartamenti 100 metra katrorë, pikërisht atje ku e ka blerë Mero Baze, në qendër të Bllokut, pasi sulmoi ndërtuesin.

Foto nga hoteli "Porta" Ksamil

Në fakt, hoteli ashtu siç mund të konstatohet dhe nga fotot, vlerën e tij mund ta ketë disa miliona euro.

Foto nga hoteli "Porta" Ksamil

Ndërtohet një hotel luksoz me pishinë dhe plazh privat në Ksamil, në një nga perlat e bregdetit shqiptar, nga djali i Mero Bazes me një investim të deklaruar sa një apartament në Tiranë.

Pra, sërish këtu kemi të bëjmë me një skemë të dyshuar të pastrimit të parave.

Zinxhiri i kompanive, të ardhurat, një kompani që hapet bën 70 milionë lekë xhiro dhe po aq thuajse ka fitimin, hotele që ndërtohen, apartamente luksoze dhe zyra, pasi ai që është regjistruar si apartament në emër të djalit të Mero Bazes është dhe zyrë për gazetën “Tema” ku ushtron aktivitetin.

Pra, kemi të bëjmë me një individ që e mban veten për gazetar, por në fakt është një gazetar që qelb erë sepse është një milioner, nuk po themi miliarder./ CNA