E fundit!

19:33 Politikë

E hënë intensive për Kuvendin/ Zbardhet rendi i ditës për seancën plenare

Kuvendi i Shqipërisë do të mblidhet nesër në seancë plenar...

Mero Baze akuzon Xhorxh Sorosin dhe Agim Isakun se inskenuan ’97-ën

10 Prill 2025, 13:35, Opinione CNA

Në esenë e tij të mrekullueshme “Realitete shqiptaro-amerikane”, gazetari i mirënjohur, Mero Baze, hedh disa ide mjaft konspirative për ideatorët e djegies së Shqipërisë në vitin e mbrapshtë '97.

Në një analizë të shkaqeve që çuan në atë çmenduri kolektive armatimi, vrasjesh, rrëmbimesh dhe djegiesh gazetari u referohet disa shkrimeve të huaja që, sipas tij, hedhin dyshime se Xhorxh Soros fshihej pas atyre tmerreve. E gjitha kjo për të sjellë në fuqi miqtë e tij neokomunistë.

Theksoj qysh në fillim që unë nuk i besoj aspak halucinacioneve të tilla. Mero i sotëm më duket fort më i besueshëm në luftën parimore që po i bën Berishës. Gjithsesi, më pëlqen shumë fantazia e tij për të zbuluar konspiracionistët sorosianë në Shqipëri me në krye kryekomplotistin Agim Isaku…

Une mendoj se shkrimet shkruheshin në Tiranë, dërgoheshin në Uashington bashkë me një shuk parashë dhe, pasi publikoheshin në ndonjë revistë si kjo e poshtëshënuara shërbenin si referenca për servilët e Tiranës. Pak a shumë si sot.

Megjithatë, për të kuptuar mekanizmin e sotëm duhet të lexojmë Meron e djeshëm. Ja se ç'shkruan gjiganti:

********

Analiza të njëpasnjëshme rreth këtyre ndikimeve pati gati në të gjithë shtypin botëror (fjala është për ndikimet e huaja, shënim imi EM).

Njëri prej analistëve më seriozë të revistës "FORBES", Richard Morais, shkruante se ajo që po ndodhte në Shqipëri nuk ishte gjë tjetër, veçse kurorëzimi i linjës politike të inkurajuar përmes miliarderëve të dyshimtë si Xhorxh Soros. Analisti i njohur politik u referohej fakteve konkrete, ku argumentonte strategjinë e këtij miliarderi për kthimin në pushtet të komunistëve.

“Në rast se ju ka shkuar ndonjëherë në mendje të pyesni se çfarë është ajo që po ndodh në Shqipëri me një fjalë të shkurtër mund t'jua shpjegojmë. Miqtë e Xhorxh Sorrosit po dalin në krye. Në fund të shkurtit (1997, shënim imi EM), banda të armatosura të drejtuara nga gangsterë dhe ish-komunistë, shumë prej tyre veteranë të shtetit të dikurshëm të policisë sekrete, s’bënë gjë tjetër veçse përmbysën një qeveri të zgjedhur liberale dhe detyruan Presidentin të emërojë një Kryeministër neokomunist”.

Më poshtë, analisti i "FORBES", thotë se gazeta “Koha Jonë” e mbështetur nga Sorosi, bëri thirrje për të rrokur armët. Një zyrtar i lartë i Fondacionit Soros në Tiranë u mburrej vëzhguesve të çoroditur se “Berisha do të largohet. Ia punuam”.

Nuk dihet se për cilin drejtus e ka pasur fjalën autori, por një nga drejtuesit e lartë të këtij fondacioni në Tiranë, A.I. (Agim Isaku shënim imi EM), ishte ndoshta njeriu që nxinte më shumë në fytyrë ditën që u arrit marrëveshja për Qeverinë e Pajtimit Kombëtar dhe më aktivi për të nxitur në tavolinat e Hotel Rogner ku po rrinin drejtuesit e Opozitës, reaksionin më të ri ndaj kësaj marrëveshjeje./ Marrë nga rrjetet sociale të Ermal Mulosmanit