LEXO PA REKLAMA!

SHKARKO APP

6 javë pa shërbim në Urgjencën e QSUT-së/ Papërgjegjshmëria e Ministrisë së Shëndetësisë

21 Mars 2024, 11:50, Denoncim CNA
6 javë pa shërbim në Urgjencën e QSUT-së/
Urgjenca e Qendrës Spitalore "Nënë Tereza"

Më 11 shkurt të këtij viti, një zjarr ra në Urgjencën e Qendrës Spitalore "Nënë Tereza" dhe si pasojë dolën jashtë funksionit disa shërbime.

Tashmë kanë kaluar 6 javë, por urgjenca e sëmundjeve të brendshme, sallat e operacionit në Urgjencën e Kardiologjisë, reanimacioni dhe shërbimi i hemodinamikës nuk funksionojnë në QSUT.

Edhe pse kanë kaluar 6 javë, situata në këtë godinë mbetet kaotike. Drejtoria e QSUT-së dhe Ministria e Shëndetësisë nuk kanë bërë asgjë për të rikthyer këto shërbime më se të nevojshme për qytetarët.

Është një skandal që ende nuk ka një zgjidhje nga autoritetet për qytetarët që shkojnë për të marrë ndihmën e shpejtë në këtë spital. 

Janë me mijëra pacientë që shëtiten sa në urgjencat e QSUT-së, në spitalin e Traumës dhe në Sanatorium, ku dhe aty ka një fluks të madh.

Është e paimagjinueshme se pas 6 javësh drejtoria e QSUT-së dhe Ministria e Shëndetësisë të mos kenë bërë asnjë ndërhyrje për të rivënë në funksion sallat e operacionit, për të rikthyer reanimacionin, apo shërbimin e hemodinamikës./ CNA

Lajmet e fundit nga