web counter
LEXO PA REKLAMA!

SHKARKO APP

App Store
Google Play

E fundit!

x

Si i zhduku Klodian Zoto paratë jashtë Shqipërisë/ Lidhjet me Ilir Dedjën dhe klanin “Ndragheta”

18 Mars 2024, 14:10, Denoncim CNA
Si i zhduku Klodian Zoto paratë jashtë Shqipërisë/ Lidhjet
Klodian Zoto

Drejtuesi i PD-së për Tiranën, Belind Këlliçi, ka denoncuar këtë të hënë zhdukjen e parave publike jashtë Shqipërisë nëpërmjet kompanisë së Klodian Zotos dhe lidhjet me klanin mafioz italian “Ndragheta”.

Këlliçi tha se “ITS”-ja e Klodian Zotos ka paguar me 360 mijë euro Gëzim Gugën, i cili ka një subjekt në Itali dhe është bashkaksioner në një tjetër biznes me Ilir Dedjën dhe Mirsada Gugën.

Ai theksoi se bashkaksioneri Dedja i Gëzim Gugës së paguar nga Zoto, është i lidhur me “Ndragheta”-n.

Në vitin 2020, prokurorët italianë u kanë dërguar homologëve shqiptarë informacion se Ilir Dedja dyshohet se pastron paratë për klanin mafioz.

Deklarata e Këlliçit:

Sot do të bëj publik një tjetër rast të zhdukjes së parave, por tashmë jashtë Shqipërisë. Sipas kartelës së furnitorëve të kompanisë 'ITS' sh.p.k., në pronësi të Klodian Zotos, janë kryer 3 pagesa për një subjekt në Itali:

Në datën 02.03.2021 vlera 12.362.000 lekë

Në datën 17.02.2021 vlera 12.325.000 lekë

Në datën 19.05.2021 vlera 12.300.000 lekë

Pra në një vlerë totale rreth 360.000 euro. Këto para i janë transferuar subjektit 'IMR REFTRATTARI S.R.L'.

Nga një kontroll i thjeshtë në 'Google', rezulton se kjo kompani është në pronësi të një shtetasi shqiptar, z. Gëzim Guga. Ky biznes në faqen zyrtare të tij, deklaron se operon në fushën e ndërtimit dhe reklamon disa vila dhe apartamente për shitje.

Si i zhduku Klodian Zoto paratë jashtë Shqipërisë/ Lidhjet

Grupi i ekspertëve në PD kontrolloi nëse ky sipërmarrës ka të regjistruar në Shqipëri ndonjë biznes në emër të tij dhe përgjatë kontrollit situata bëhet edhe më kriminale.

Sipas QKB rezulton se në nëntor të vitit 2022, Gëzim Guga, përfituesi në Itali i pagesave nga Klodian Zoto, së bashku me Ilir Dedja dhe Mirsada Guga, kanë regjistruar kompaninë e punësimit dhe konsulencës MIG AGENCY shpk.

Le të ndalemi pak te shtetasi Ilir Dedja.

Në vitin 2020 Prokurorët italianë u kanë dërguar homologëve shqiptarë ndër të tjera informacion për shtetasin Ilir Dedja, i datëlindjes 02.09.1969, për dyshime se pastron paratë për klanin mafioz 'NDRAGHETA', si dhe informacion që shtetasi Klodian Zoto është ndaluar në aeroport në Itali dhe i janë sekuestruar 22.650 euro.

Si i zhduku Klodian Zoto paratë jashtë Shqipërisë/ Lidhjet

Vetëm pas tri vitesh, në datën 14.02.2023, pala shqiptare kujtohet të dërgojë letërporosi te prokuroria italiane, siç u bë publike nga 'Syri Tv në maj të po atij viti.

Pra edhe pse këta shtetas ishin nën hetim, organet ligjzbatuese nuk i kanë ndaluar të transferojnë shuma të konsiderueshme parash. Dhe e gjitha kjo nën hundën e SPAK-ut, pasi të mos harrojmë se procedimi penal për inceneratorët ishte regjistruar që në vitin 2020, vit në të cilin prokurorët italianë ndezën alarmin e dyshimeve për Dedjën dhe Zoton.

Sot SPAK duhet t’i japë përgjigje këtyre pyetjeve:

1. Për cfarë janë transferuar 360.000 euro në Itali nga Klodian Zoto?

2. A janë blerë banesa në itali me ato fonde?

3. A shërbejnë ato fonde si haraç për klanin mafioz NDRANGHETA?

4. A e ka tërhequr SPAK dosjen nga prokuroria e Tiranës?

5. A po hetohet pronari faktik i Inceneratorit të Tiranës, Erion Veliaj për bashkëpunim me klanin mafioz NDRANGHETA, pasi ky nuk është fakti i parë publik që dëshmon lidhjet e Veliajt me Mafien Italiane?

Si i zhduku Klodian Zoto paratë jashtë Shqipërisë/ Lidhjet

SPAK duhet të zgjohet menjëherë nga gjumi letargjik, pasi po bën pis jo vëtëm veten, por të gjithë reformën aq të shpresuar të drejtësisë.

Drejtësia me regji, herë me direktivë qeveritare dhe herë me direktive bashkiake, nuk është ajo drejtësi që presin qytetarët shqiptarë. Ndërkohë që Kryetari i Opozitës Sali Berisha, vijon të jetë për të 77 ditë në arrest pa asnjë provë apo një akuzë të vetme, pronari faktik i Inceneratorit të Tiranës Erion Veliaj, drejtorët e tij banditë që kanë vjedhur miliona euro përmeskompanisë 5D Konstruksion, ish Ministri hajdut i konçensioneve shëndetësore Ilir Beqja dhe sigurisht kreu i këtij grupi të strukturuar kriminal Edi Rama, vijojnë të vjedhin e abuzojnë çdo ditë me paratë e qytetarëve dhe taksapaguesve shqiptarë.

Ky regjim duhet të marë fund një orë e më parë. Qeveria teknike dhe zgjedhjet e lira dhe të ndershme, janë e vetmja zgjidhje për ta çliruar vendin njëherë e mirë nga kjo organizatë kriminale.

O sot, o kurrë./ CNA





Lajmet e fundit nga