web counter
LEXO PA REKLAMA!

SHKARKO APP

App Store
Google Play

Dyshimet e forta/ Bosët e inceneratorëve kanë pastruar paratë e mafias italiane “Ndrangheta”

4 Maj 2023, 19:19, Aktualitet CNA
Dyshimet e forta/ Bosët e inceneratorëve kanë pastruar
Fotomontazh

“Syri Tv” raportoi sot se Prokuroria e Tiranës i ka dërguar një letërporosi prokurorisë së Romës, ku kërkonte informacione, pasi kishte dyshime se bosët e inceneratorëve kishin bashkëpunim me  organizatën mafioze italiane, “Ndragheta”.

Ndërkohë, CNA publikoi letërporosinë e dërguar në shkurt të 2023-shit, ku konkretisht Prokuroria kërkon informacion rreth dyshimeve për bashkëpunimin e Mirel Mërtirit, Klodian Zotos dhe Stela Gugalljas me mafian “Ndragheta”.

Për këtë letërporosi ka folur pasditen e sotme gazetari Bledian Koka në emisionin e Sonila Meços. Ai ngriti dyshime të forta se bosët e inceneratorëve kanë pastruar paratë e mafias italiane “Ndrangheta”.

“Letërporosia është reagimi i prokurorisë së Tiranës pas një hetimi që ka zhvilluar prokuroria e Padovas në Itali. Kjo prokurori ka ardhur në përfundimin duke ngritur një çështje se biznesmeni Ilir Dedja pastron para për llogari të ‘Ndrangheta’-s, dhe kjo ka qenë pjesa e parë i investigimit që ka mbërritur në Tiranë. Menjëherë pas prokurorisë së Padovas ka qenë prokuroria shqiptare që e ka zgjeruar hartën e personave të përfshirë në ëtë dyshime. Nga Mirel Mërtiri ka kaluar te raportet që ai ka me bosët e inceneratorëve, Klodian Zoto dhe Stela Gugallja dhe janë disa elemente të tjerë që janë administratorë.

Prokuroria e Tiranës me të njëjtën numër proceduarial akne përfshirë të gjithë këtë grup dhe si prokuroria e Padovas dhe ajo e Tiranës po kërkojnë informacione shtesë. Pas të gjithë hetimit që ka bërë prokuroria e Tiranës ka dërguar një ketër porosi në prokurorinë Italiane atje ku prokuror i famshëm është Niciola Gratteri që do të thotë se kjo është një gjë e rë që e ngren akoma më shumë pikëpyetje për çështjen e inceneratoreve.

Letërporosia e cila ka ardhur par tre viteve nga fillimi i hetimeve ka ardhur për informacion shtesë rreth aktivitetit të personave në fjalë, ndaje dhe për Zoton ka dhe një momentum tjetër ku rezulton se nga prokuroria Italiane i janë sekuestruar rreth 22 mijë euro me vete, dhe në çdo rast jemi duke folur për dyshime të forta se ‘Ndrangheta’ po pastron para.

Fakti që kjo letër porosi dhe hetimi i dy prokurorive e lidh Ilir Dedën me bosët e inceneratorët ngrihen dyshime se ‘Ndrangheta’ është përfshirë me pastrimin e parave nën skemën e inceneratorëve. Pak kohë më parë gjatë investigimit se si dhjetëra kompani fantazmë qarkullonin dhjetëra milionë euro duke përfshirë dhe persona që nuk kishin lidhje fare me to ku disa ishin azilantë”, theksoi gazetari./ CNA.al





Lajmet e fundit nga