E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

Njohja e pensioneve me Greqinë/ Përparojnë bisedimet, marrëveshja hyn në fazë të re

3 Maj 2023, 14:58, Aktualitet CNA

Njohja e pensioneve me Greqinë/ Përparojnë bisedimet,

Foto ilustruese

Njohja e pensioneve me Greqinë nuk është me një çështje e lënë në sirtar. Qeveritë e të dyja vendeve kanë mbyllur fazën e parë të bisedimeve ne Athinë e Tiranë, duke treguar vullnet për të përmbyllur marrëveshjen së shpejti.

Marrëveshja për njohjen e pensioneve me Greqinë ka përparuar dhe të dyja palët kanë rënë dakord parimisht.

Në muajin prill, drejtuesit e sigurimeve shoqërore të dy shteteve kanë mbyllur diskutimet teknike në Tiranë, për t’i hapur rrrugë njohjes së viteve të punës së emigrantëve shqiptarë në Greqi, si një prej komuniteteve më të mëdha të diasporës shqiptare.

Në shtator të vitit 2022, biseda janë bërë edhe në Athinë, dhe nëse marrëveshja arrihet shpejt, Greqia bëhet shteti i 15-të për mbulimin e sigurimeve shoqërore.

“Takimi në Tiranë tregon vullnetin pozitiv që kanë palët për të bërë të mundur arritjen sa më shpejt të një marrëveshjeje të përbashkët, aq shumë të dëshiruar nga bashkatdhetarët tanë, por edhe qytetarët grekë që jetojnë dhe punojnë në Shqipëri”, thuhet në njoftimin e ISSH.

Projektligji për pensionet i paraqitur marsin e kaluar në Parlamentin grek parashikon uljen me 30 vite qëndrimi për të përfituar pension kombëtar nga 40 vite që ishte.

Emigrantët shqiptarë kanë qenë kontribues të rregullt në skemat e sigurimeve shoqërore greke për shkak se pagesat e sigurimeve lidheshin detyrimisht me marrjen e lejeqëndrimeve.

Vlerësohet se janë mbi 700 mijë shqiptarë, të cilët kanë punuar pas viteve '90 në vendin fqinj. Nëse marrëveshja realizohet, atyre do t’u njihen vitet e kontributeve të sigurimeve shoqërore atje, duke përfituar kështu pensionin me formulën e përbashkët.

Deri tani qeveria jonë ka negociuar me 14 shtete në fushën e sigurimeve shoqërore, duke lidhur marrëveshje përfundimtare me 13 prej tyre./ Euronews