web counter
LEXO PA REKLAMA!

SHKARKO APP

App Store
Google Play

“Synojmë që në 2025 të organizojmë Kampionatin Europian për të rinjtë”/ Rama: Stadiumi në Korçë i jep fytyrë tjetër Shqipërisë

2 Maj 2023, 09:35, Aktualitet CNA

“Synojmë që në 2025 të organizojmë Kampionatin

Kryeministri Edi Rama, nga qyteti i Korçës, ka deklaruar se stadiumi që do të ndërtohet në Korçë do t’i japë një fytyrë të re Shqipërisë në këtë fushë.

Rama bëri me dije se synimi është që në 2025 të zhvillohet Kampionati Europian për të rinjtë pikërisht në këto stadiume që do të ndërtohen me standardet europiane.

“Jam shumë i lumtur që sot kemi këtë finale të konkursit për ndërtimin e stadiumit të Korçës. Kjo është një ndër 3 finalet, që do ndiqet më pas nga Durrësi dhe Vlora. Bashkëpunimi i qeverisë me FSHF-në është baza për të arritur që të kemi një Shqipëri me një fytyrë krejt tjetër në këtë fushë. Synojmë që në vitin 2025 të organizojmë kampionatin europian për të rinjtë, duke pasur gati këto stadiume. Edhe stadiumi 'Selman Stermasi' do të bëhet nga e para. Kemi dy elemente kryesore:

1-Financimi, së bashku me federatën, i gjithë infastrukturës mbështetëse të futbollit, që janë fushat e stërvitjes. Këtu besoj se mbyllim zgjedhjet vendore me qëllimin e punës së të gjitha bashkive, ku do të duhet një koordinim më i mirë dhe i ngushtë sepse në këtë rast kemi problem me koordimin e pushtetit vendor. Është e rëndësishme në funksion të projektit tonë të sportit në shkolla.

2-Ambicia për të transformuar sportin dhe futbollin në një mundësi të shtuar për turizmin duke ofruar infrastrukturë dhe logjistikë për skuadrat e huaja që vijnë në Shqipëri. Nuk besoj se Korça do të jetë e vetmja në këto zhvillime të reja. Do të sjellë një vlerë të shtuar ekonomike për qytetin. Dua të shtoj se kërkesa që u keni bërë arkitektëve është të shohin përtej fushës së blertë dhe të krijojnë një varietet të ri duke ofruar më shumë se thjesht afenitetin e ndeshjeve”, tha Rama./ CNA.al





Lajmet e fundit nga