web counter
LEXO PA REKLAMA!

SHKARKO APP

App Store
Google Play

E fundit!

x

Emërohet ambasadori i ri i SHBA në Shqipëri/ Senati amerikan miraton kandidaturën e Kostelancik

28 Prill 2023, 17:34, Aktualitet CNA

Emërohet ambasadori i ri i SHBA në Shqipëri/ Senati amerikan

David Kostelancik do të jetë ambasadori i ri i SHBA-së në Shqipëri.

Kandidatura e tij është miratuar këtë të premte në senatin amerikan.

Ai u propozua nga Presidenti amerikan, Joe Biden për të zëvendësuar ambasadoren aktuale, Yuri Kim.

Një muaj më parë, Kostelancik prezantoi programin e tij si ambasador për Shqipërinë para Komisionit për Marrëdhëniet me Jashtë në Senatin e Shteteve të Bashkuara.

David J. Kostelancik është diplomat i Shërbimit të Jashtëm të Lartë të Shteteve të Bashkuara të Amerikës, me gradë Këshilltar Ministër.

Ai ka nisur të shërbejë si këshilltar për politikën e jashtme të Kryetarit të Shefit të Shtabit të Përbashkët, Gjeneral Mark Milley, në gusht 2021.

Më herët ai ka qenë Zëvendësshef i Misionit, dhe për dy vjet, si i Ngarkuar me Punë në ambasadën e SHBA-së në Budapest, në Hungari.

David Kostelancik ka qenë i emëruar në Departamentin e Shtetit Amerikan si Drejtor i Zyrës për Çështjet e Europës Jugore – Qendrore. Ai ka shërbyer si Drejtor i Zyrës së Çështjeve Ruse, në Byronë e Çështjeve Europiane dhe Euroaziatike.

Gjithashtu ka qenë Drejtor i Zyrës së Europës dhe Azisë në Byronë Ndërkombëtare të Narkotikëve dhe Çështjeve të Zbatimit të Ligjit.

Ai ka shërbyer dy herë në ambasadën e SHBA-së në Moskë.

Zëvendësi i Yuri Kim është njohës shumë i mirë i gjuhës shqipe, ruse dhe asaj turke.

Njohja e gjuhës shqipe pritet t’i lehtësojë edhe më tepër detyrat si ambasador në vendin tonë, Kostelancik./ CNA.al





Lajmet e fundit nga